Rbŭn bư brah rnglăp ba tâm ndrông jay bơh bu nuyh Xơ Dăng

H' Mai (t.h)| 06/07/2017 14:37

Bu nuyh Xơ Dăng n’kôch ân gĭt, ăp yan bư mir jan ba, nau pah kan nơih, ba bêng jay yor brah ba ân gĕh. Lah ăp tâ jêh kăch, ăp r’năk bu nuyh Xơ Dăng way bư brah ba n’hanh rbŭn bư brah rnglăp ba tâm jay.

Nau mĭn blau prăp mray jay ba ân ăp mpôl băl n’hanh nau way mô tâm ntŭng nglanh ndu ndơ bu nuyh Xơ Dăng uĕh ngăn

Ba jêh kăch dơi rnglăp tâm jay, jay ngai ma wâl, ngai ma bon khă nĕ lah mô dơi roh yor mô gĕh bu nuyh mât. Ta nar rbŭn bư brah, bu nuyh Xơ Dăng tâm rlong rklâm banh rke rpu, gon ndranh yăng, prung mbêt, gŭch sur, iăr gơi bư brah lah yang n’hanh ân ăp r’năk ba bă ngêt sa. Kơt nĕ na nao, jêh wâl aơ tât wâl ri rbŭn bư brah tâm jay. Nau bư brah n’hanh wơt huêng ba uĕh ngăn n’hanh dơi ndâk uĕh. Tĕng nau way, nthăng rse ndơp huêng ba rnglăp ta jay dơi bu ndâk. Tĕng nau mĭn, tĕng ăp rse aơ, ăp ntŭk têl rŏ trong ntơm bơh ta mir tât ta bon, brah ba sĭt rlu ta jay dơm ba gơi bu nuyh bon lan bư brah kah gĭt. Jêh bư ntŭk rlu kloh uĕh ân huêng ba ta jay dơm ba, bu nuyh bon lan ngêt sa têh. Khăn păng mprơ, k’dŏ, tur chĭng goh goong gơi dăn ăp ntil tơm tăm du yăn bơh kơi ndrêh uĕh.

H' Mai (t.h)

(0) Bình luận

Xếp theo: