Kah gĭt 100 năm Nau dâk tâm lơh N'Trang Lơng, n'gor Dak Nong lĕ ndâk nau kan nkra gâng rup aơ ta yôk Dak Nur, phường Nghĩa Ðức, bon têh Gia Nghĩa. Lĕ r'ngôch neh ndâk nkra n'gâng rup huy 5,9 hec ta, r'noh prăk dŏng nkra lah 167 r'me prăk, dơi tâm pă jêng bar gưl. Tâm nĕ, gĕh âk prăk rêl dơi Bu nuyh bon lan, doanh nghiệp tâm n'gor n'hanh bơh tach n'gor kơl. Abaơ, ăp ntil ndơ dơi bu nkra dŭt, kâp rơm dŏng ta tâ Rbŭn kah gĭt 110 năm nau dâk tâm lơh N'Trang Lơng n'hanh lăp dŏng gâng rup klăp lah ta lơ 20/12/2022.
Gâng rup Nô hăt janh N'Trang Lơng n'hanh nau tâm lơh sŏk neh ntu bu pit 1912-1936 dơi bu kơp jêng ndơ kan nghệ thuật kiến trúc n'hanh trah lôk, nau way tâm n'gor Dak Nong. Nau kan nkra gâng rup mpơl saơ nau way uĕh tâm nau rêh kon bu nuyh, mpơl saơ nau way "ngêt dak kah gĭt ma ntu" bơh bon lan ăp bu nong Tây Nguyên đah bu nuyh gĕh âk n'hâm suan tâm lơh tâm su đah Prăng pit in neh ntu. Tă bơh nĕ, r'nê nau kh'lay bơh nau rŏng ma bri dak; sâm kơl ntĭm nau way cách mạng ân ma oh kon bon lan bơh kơi gĭt...
 |
Gâng rup Nô hăt janh N'Trang Lơng prêh 18 met, huy ta jâng 27 met |
 |
Rup bu trah lôk ta jâng rup mpơl saơ nau rêh ôi mhau n'hanh nau tâm lơh đah phung pit in neh ntu ăp bu nong Tây Nguyên |
 |
Ntŭk aơ jêng ntŭk mpơl saơ nau way, ntŭk hăn pâl ta bon têh Gia Nghĩa |
 |
Ăp ntil nau kan gưl 2 bơh pĭt gâng rup dôl dơi bu pah kan ngăch gơi jêh |
 |
Bơh pĭt gâng rup tăm tơm mi nga n'hanh tơm si |
H’Mai