Ta năm 1975, ta Bắc Hà ndâk nau kan ncho seh 200 seh hăn ta trong bon têh mabh m'ak nau dơi tâm lơh ta mpeh Nam, kluôm lĕ r'ngôch ăp ntuk tâm bri dak. Tât yăn kao năm 1980, N'qual đội ka han (N'gâng kan Ntĭm gai Tâm lơh) Bắc Hà ndâk nau kan tâm rlong seh, săch bu nuyh ncho seh oanh phao, gơi pah kan bư dân binh rdeng drăp ndơ ta trong hăn jâng. Jêh rĭ, Bắc Hà mô hôm ndâk nau kan tâm rlong aơ. Tât năm 2007, nau tâm rlong seh Bắc Hà dơi bu ndâk tay, gơi gĕh ntŭk rbŭn pâl nau way, nau m'ak tâm nuih n'hâm bơh Bu nuyh bon lan, sâm kơl mât mray n'hanh hao dŏng uĕh ndơ kh'lay tâm nau way ơm bơh bon lan ăp bu nong Bắc Hà; bư gĕh ntŭk gĕh âk bu năch tât hăn khâl pâl ta Bắc Hà... Rbŭn tâm rlong seh Bắc Hà nĕ dơh dơi bu tâm rlong ta ndrênh lŏ, ta ăp yôk n'hanh tât dŭt ta neh tâm klang bon jê. Lah seh nchuăt sĭt dŭt, ăp bu nuyh ncho trŭnh ngăch ta neh, sŏk phao ta săng nglik n'hanh ntrĕng ta rup panh r'toh 5 tâ jêh rĭ pĭt play cầu chăng, hao ncho seh plâ sĭt ta ntŭk ơm. Lah bu nuyh ncho ngăch, gĕh panh phao jêng kơp bu nuyh dơi. Nđơn n'kôch bu nuyh ncho seh Bắc Hà gĕh nau play ncho seh găn dak khă nĕ hôm gĕh panh âk ndu ndơ dơi bu n'kôch ntơm bơh nĕ. Abaơ, nau tâm rlong ncho seh Bắc Hà mô hôm gĕh bu panh phao, ăp bu nuyh tâm rlong seh gĕh ntŭk tâm rlong êng...
 |
Rup mpơl ntŭk tâm rlong seh Bắc Hà |
 |
Ăp bu nuyh ncho seh tâm rlong |
H’Mai (th)