Lơ 28/9, ta xă Long Sơn (Dak Mil), Wâl sam bŭt nti gưl I Kim Ðồng xă Long Sơn lĕ ndâk tâ ntơm ntĭm play sam bŭt nti ma 46 buyh lah bon lan mpôl rnoi iê bu nuyh Dao, Tày, Nùng… tâm lam xă.
Ăp bu nuyh nti sam bŭt ta nar ndâk tâ ntĭm sam bŭt |
Nti jrô gơi ân gĭt rŏ nchih sam bŭt, ăp bu nuyh nti dơi bu kơl ân sam bŭt nti, ndu ndơ dŏng nti mô sŏk prăk. Gơi nơih uĕh ma ăp bu nuyh nti, Wâl sam but gưl I Kim Ðồng lĕ dăp mong ân nti măng ăp nar tâm pơh. Ntơm năm 2013 tât abaơ, xă Long Sơn lĕ ndâk gĕh 5 jrô ntĭm ân gĭt rŏ sam bŭt, gĭt nchih ma bon lan ăp mpôl rnoi tâm lam xă, gĕh dăch tât 170 nuyh dơi ntĭm nti sam bŭt.
Đặng Hiền