.jpg "Tháo gỡ vướng mắc trong tiếp cận tín dụng kinh tế tập thể")
.jpg "Chương trình Tin tức Đắk Nông ngày 23/4/2024")
.png "Hôm nay có gì? 23/4/2024")
.jpg "Vai trò HTX nông nghiệp trong \"tam nông\"")
.jpg "10.721ha cây trồng ở Đắk Nông bị ảnh hưởng bởi hạn hán")
Gửi bình luận
Thứ Ba, 23/4/2024
Thứ Ba, 23/4/2024
Lơ 27/12, ta Wâl Rbŭn têh n’gor lĕ ndâk tâ Rbŭn nchră nau kan Kô ruanh Ủy ban bon lan n’gor tâm mâp ôp mbơh nau kan ma bu nuyh bư mir, Hợp tác xă năm 2022 đah nau moh kan: “Sâm kơl bu nuyh bư mir, Hợp tác xă tâm r’nglăp, pah kan ndrel, n’hao nau kan bư mir jan ba sinh thái, n’hao uĕh ndơ gĕh, r’noh tăch, gơi gĕh nŭm ndu ndơ bu r’văt”.
 |
Tât rbŭn gĕh 400 đại biểu, mpơl măt ma rlau 60.000 hội viên bu nuyh bư mir n’hanh rlau 400 hợp tác xă, tổ pah kan ndrel |
Aơ jêng nau tơm Kô ruanh Ủy ban bon lan n’gor ndâk nau kan tâm mâp ôp mbơh nau kan ma bu nuyh bư mir, hợp tác xă gơi nklaih nau jêr jŏk, nau văk khan ân ma bu nuyh bư mir, hợp tác xă. Rbŭn lĕ ôp gĕh 350 nau kan, nau dăn, nau r’vê bơh bu nuyh bư mir, hợp tác xă njuăl ma Kô ruanh Ủy ban bon lan n’gor. Nau ôp nchŭn bơh nau kan: sâm kơl ân prăk manh, tín dụng, pah kan ndrel, tâm r’nglăp “4 phung kan”; ndâk njêng nhãn hiệu, thương hiệu, mã số vùng mât rong, tăm tơm, săm bŭt kơp ndơ gĕh tăm, chuyển đổi số tâm nau kan bư mir jan ba; nkra ndu ndơ gĕh tăm; ndâk nau kan ân bu nuyh bon lan pah kan, dơn nau gĕh tâm ntŭk tăch r’văt; joi phung druh ndăm gĕh nau blau pah kan bư mir jan ba, ntĭm bu nuyh bư mir tĕng kơt nau kan khoa học kĩ thuật; có chế, ndơ kơl ân manh neh, jao neh n’hanh r’gâl nau kan dŏng neh gơi tăch r’văt drăp…
Bơh đah mbơh nau kan ta nar rbŭn ân bu nuyh bư mir, hợp tác xă, Kô ruanh Ủy ban bon lan n’gor ntĭm gai ăp n’gâng kan, m’bŭch kan, n’qual uănh nao nao, dơn nau bu n’kôch, nau dăn n’hanh ngăch nklaih nau jêr jŏk, nau văk khan, nau r’vê bơh bu nuyh bư mir, hợp tác xă n’hanh doanh nghiệp.
Mẫn Doanh
