Di sản văn hóa phi vật thể mpơl lam ăp kon bu nuyh bơh Việt Nam: Nhã nhặc cung đình Huế

H’Mai (th)| 17/03/2022 14:01

Nhã nhạc lah âm nhạc cung đình ta năm phong kiến, dơi bu pâl ta ăp tâ rbŭn, bư brah mô rĭ ăp nau kan kh'lay (rbŭn hao bư adăch, wơt sứ thần...). Dơi gĕh ntơm thế kỉ XIII ta Việt Nam, tât ta năm mpôl Nguyễn, nhã nhạc cung đình Huế hao uĕh n'hanh dơi kơp trình độ uĕh ngăn ngên.

Lơ 7/11/2003, nhã nhạc cung đình Huế dơi N'gâng kan Ntĭm sơm, Khoa học n'hanh Nau way Liên hợp quốc (UNESCO) kơp lah Kiệt tác truyền khẩu n'hanh Di sản văn hóa phi vật thể bơh lam ăp kon bu nuyh.

Rup mpơl nhạc công n'hanh đội Nhã nhạc cung đình Huế ta năm mpôl Nguyễn

Aơ jêng du di sản tơm gĕh ta Việt Nam dơi bu kơp tĕng nau kan aơ. Nau gĕh êng nhã Nhạc cung đình gĕh lam ăp ntil âm nhạc bă bă, ntơm bơh Rbŭn nhạc (dong ta ăp tâ bư brah têh bơh cung đình, ta ăp wâl brah), nhạc thính phòng, sân khấu, n'hanh nau k'dŏ…

Nhã nhạc cung đình Huế dơi UNESCO kơp lah Kiệt tác truyền khẩu n'hanh Di sản văn hóa phi vật thể bơh lam ăp kon bu nuyh ta năm 2003

Ăp nau n'hêl nau rêh phung pâl nhạc, nau pâl, nau n'kôch Nhã nhạc nâp phêt, mpơl saơ tính quy củ n'hanh định chế nau uĕh ngăn ngên, dơi mpơl saơ nau mĭn tâm nuih n'hâm, nau way triết lí bơh chế độ quân chủ đương thời.