Nô hăt janh Nguyễn Văn Thương

Hồ Mai (t.h)| 20/02/2020 10:49

Nguyễn Văn Thương (Hai Thương) deh năm 1938 tâm r’năk gĕh nau way rŏng ma kăch mạng ta mpeh neh o-ach Tây Ninh. Tât 10 năm, che dăn bư bu nuyh ndơp drăp ndơ, jêh rĭ lăp pah kan ma kăch mạng.

Nô hăt janh Bu nuyh bon lan Bư ka han tâm lơh Nguyễn Văn Thương

Năm 1961, che dơi bu ruah bư bu nuyh mât uănh ma wa Võ Văn Kiệt, dôl ma kan bư Bí thư N’gor ủy Sài Gòn – Gia Ðịnh. Jêh Trung ương Ðảng ndâk njêng Cục Tình báo mpeh Nam, che dơi bu đă kan bư bu nuyh tình báo. T a nau kan aơ, che lĕ mbơh hưn 900 ntil nau kan tình báo tât ta mpeh tam lơh nâp phĭt. Lơ 10/2/1969, ta trong ndơp sam bŭt ntơm bơh Bến Cát tât ta Sài Gòn, bu gĭt saơ jêh rĭ nhŭp păng. N’gâng kan tình báo Hoa Kỳ (CIA) ôp păng ăp ntil nô nau kan gơi păng mbơh nô nau. Jêh dŏng prăk, n’hưch ân bư kô ruanh… gơi păng mbơh hưn nô nau, khă nĕ păng mô ŭch mbơh, bu gâyh 10 nglau jâng păng. Jêh rĭ koh ăp gưl jâng păng. Tât 15 nar koh du tâ, tâm 100 nar bu koh 6 tâ nĕ jâng păng lôt 6 gưl, lôt tât ta wuang… Khă nĕ, nau janh, nau rŏng ma bri dak bư nuih n’hâm păng hao mô hôm gĭt klach nau aơ nau ri nĕ ka han bu lah: “Gâp mô hôm dơi đah may aơ, may dah mpô mpa loih”.

Hồ Mai (t.h)

(0) Bình luận

Xếp theo: