Linh Thị Kín-bu ur bu nong Nùng dơi gĕh thủ khoa Khối C

H’Mai| 05/09/2021 14:52

ah lĕ r’ngôch điểm tổ hợp ăp nau nti khối C gĕh 27 điểm (Ngữ văn: 8,5 điểm, Lịch sử: 8,75 điểm, Ðịa lý: 9,75 điểm), oh Linh Thị Kín, bu nong Nùng, kon se nti Wâl săm bŭt gưl II n’hanh III Bu nong n’qual Dak Mil lĕ jêng thủ khoa khối C tâm n’gor Dak Nong ta tâ tâm rlong nti lôch wâl săm bŭt gưl III năm 2021.

Gơi gĕh âk điểm aơ yor lah păng mô rlu gĕh nau nsrôih, gĕh nau ŭch n’hanh nau gơih nti săm bŭt bơh bu ur bu nong Nùng. Deh n’hanh têh ta du r’năk bư mir jan ba ta thôn Ðông Sơn, xă Long Sơn (Dak Mil), Kín jêng kon tâl prao tâm r’năk. R’năk mô gĕh ndrŏng, yor nĕ gơi trŭnh nau jêr ma me mbő, ntơm bơh nti jrô 6, Kín lĕ tĕng nti săm bŭt ta wâl săm bŭt bu nong nti. Ta 12 năm nti săm bŭt, Kín lĕ nau nsrôih gơi gĕh âk nau nti săm bŭt blau dơi bu r’nê gĕh: 12 năm nao nao lah nti săm bŭt blau ngăn ngên, huy chương Ðồng nau nti Ðịa lý ta tâ tâm rlong Olympic ăp wâl săm bŭt bu nong gŭ nti n’gor Dak Nong năm nti 2016 – 2017; giải Khuyến khích nau tâm rlong mbơh hưn nau Anh joi gĭt kông viên neh ntu dak nong lam ăp bri dak UNESCO Dak Nong năm 2020…