Ta wâl chơ phiên, ăp wâl bu mpơl tăch sa bŭt ao way ơm bu nuyh Mông gĕh âk ndơ uĕh; ndơ dŏng rvăn; play sa, ndơ sa way ơm; ndơ dŏng bư mir jan ba... Ăp nar dăch têt, wâl chơ phiên rlau drưh đrưh, gĕh âk bu nuyh. Bu nuyh ndjôt ndơ tăch, gĕh bu nuyh joi r'văt ndơ sa Têt. Gĕh bu nuyh hăn ta chợ gơi mâp mpôl băl, m'ak pâl jêh du năm lêt rganh pah kan.
Wâl chơ phiên hôm jêng tâ r'bŭn m'ak nau way, nau k'dŏ mprơ, nau pâl r'lưn; mbơh, mpơl nau way ơm kăl e ăp bu nong iê bu nuyh tât ma ăp bu năch tâm n'gor n'hanh bơh tach n'gor gĭt.
 |
Du ntŭk wâl chơ phiên Dak R'măng (Dak Glong) |
 |
Rbŭn m'ak nau way, nau k'dŏ mprơ ta wâl chơ phiên xă Čư K'nia (Čư Jŭt) |
 |
Bu druh bu nuyh Mông r'văt sa bŭt, kông mhe wơt sa têt ta wâl chơ phiên |
A Trư