Groi Thủ tướng Chăm gai Chính phủ Trương Hòa Bình khâl n’hanh pah kan ta n’gor Dak Nong

Lê Phước| 05/03/2020 10:17

Lơ 29/2, Phung pah kan bơh Chính phủ yor wa Trương Hòa Bình, Ủy viên Bộ Chính trị, Groi Thủ tướng Chăm gai Chính phủ leo trong lĕ pah kan đah kô ruanh chăm gai n’gor Dak Nong.

Wa lĕ r’nê n’hanh lah uĕh ăp ntil nau pah kan dơi n’gor Dak Nong pah kan lôch tâm ăp năm lĕ lăn, tâm nĕ gĕh năm 2019 n’hanh đă n’gor Dak Nong nchŭn nau kan tăm bri ân n’hâm ma neh ntu bri dak; pah kan ân uĕh nau kan bu nuyh bon lan tă bơh n’gor êng dah ma hăn rêh tâm n’gor; pah kan uĕh nau kan wơt ôp nau kan tă bơh bu nuyh bon lan, nau tâm kchŭt, mbơh hưn nô nau tih ăp bu nuyh bon lan tâm nau rêh ôi mhau… Wa ntênh, Dak Nong ndâk bư ân uĕh ngih wâl gung trong, tâm nĕ gĕh bư trong hăn, gơi bư hao nau wăng sa. Ăp bộ, n’gâng kan Trung ương, tâm nĕ gĕh Bộ Bư trong rdeh hăn Rdeng ndơ, treng kơl, uănh nchră, mbơh hưn ân Chính phủ r’nglăp nchră ăp ntil nau kan kh’lay bư ngih wâl gung trong ta n’gor Dak Nong lah êng, Tây Nguyên lah ndrel…

Wa Trương Hòa Bình ndrel phung kan lĕ tât hăn khâl, ân ndơ ta Nau kan Wâl măy Ðiện phân nhôm Dak Nong n’hanh Wâl măy bư Alumin Nhân Cơ (Dak R’lâp); khâl, ân ndơ ma 2 r’năk gĕh nau rêh jêr jŏk tâm bon têh Gia Nghĩa; ân ndơ ma ăp kon se nsrôih nau o-ach nti sam bŭt blau; ân ma Quỹ Khuyến học n’gor Dak Nong 50 r’keh prăk.