Ôi lơ 4/6, Jrô Kảnh sat mât uănh gung trong Kông an n’gor Dak Nong kan ndrel ma Kông an n’qual Dak R’lâp, Kông ti Honda Tiến Phát (Dak R’lâp) lĕ ndâk tâ mbơh ntĭm nau way Bĭt rdeh hăn tâm gung trong n’hanh ân ndơ ma bu nuyh bon lan xă Ðạo Nghĩa (Dak R’lâp).
Ndâk tâ ntĭm bu nuyh bon lan tĕng kơt nau kan bĭt rdeh ân uĕh |
Ta nar ntĭm bơh aơ, kan bộ Jrô Kảnh sat mât uănh gung trong lĕ pâk ân uănh phim, pă sam bŭt rŏ, ntĭm tă bơh gĕh nô nau tâm tom rdeh yor hăn mô di trong, bĭt rdeh ngăch ir, ngêt ndrănh nhul bĭt rdeh, mô ndô môk n’kar săk lah bĭt rdeh… Ta mông aơ, Kông ti Honda Tiến Phát lĕ ân 100 môk n’kar săk, 50 ao thun kơp tât 30 rkeh prăk ma ăp bu nuyh hăn iăt ntĭm mbơh nau kan bĭt rdeh hăn rŏ trong ân uĕh.
Phạm Khánh