Tuy Ðức uănh kh'lay nau kan n'hao âk đảng viên tâm bon lan bu nuyh Mông (nau n'kôch dŭt): Kan bộ, đảng viên kơl bu nuyh bon lan

A Trư - Y Sơn| 30/06/2022 17:25

Tuy Ðức jêng du n'qual gĕh âk bon lan bu nong iê bu nuyh rêh (tâm nĕ gĕh bu nuyh Mông, Bu Nong), nau rêh bu nuyh bon lan hôm gĕh âk nau jêr jŏk. Gơi mât chăm, sâm kơl bu nuyh bon lan ân di n'hanh gĕh nau uĕh, năm 2018, M'bŭch kan Chăm gai N'qual ủy Tuy Ðức lĕ trŭnh Nau kan 51 pah kan tay tĕng Nau ntĭm gai 05 tâm r'nglăp đah Nau n'hêl 04 bơh nau kan bư trŭnh nau o-ach ta ăp bon, bản bu nong iê bu nuyh.

ADQuảng cáo

N'qual ủy jao nau kan ma ăp đảng bộ, chi bộ, đảng viên ntĭm, kơl ăp bon, bản, r'năk sa gĕh nau rêh jêr jŏk hao nau wăng sa, ndâk njêng nau rêh uĕh lăng. Yor nĕ, kan bộ, đảng viên ta ăp bản bu nuyh Mông tâm xă Dak Ngo, Quảng Tâm (Tuy Ðức) gĕh nau pah kan lor uĕh tâm ăp ntil nau kan ta ntŭk rêh n'hanh nsrôih mbơh ntĭm, kuăl jă bu nuyh bon lan pah kan di tĕng trong leo kan, nau kơl bơh Ðảng, pháp luật Bri dak; nsrôih pah kan bư mir jan ba, tâm rom gop ndâk njêng nau rêh hao. Yor nĕ, nau rêh ta ăp bản bu nuyh Mông tâm xă Dak Ngo, Quảng Tâm rlau nar rlau plăch r'gâl n'hanh hao.

Kan bộ, đảng viên bản Ninh Hòa, xă Dak Ngo nchră nau kan lor ma rbŭn Chi bộ

Ðảng viên, y tế bản Sùng A Nhè ta bản Tân Lập, xă Dak Ngo tât ta wâl gơi ân săm bŭt Bảo hiểm y tế

ADQuảng cáo

Thào A Sẩu (lôch bơh chiau ti) ndrel M'bŭch kan mât uănh bản Ninh Hòa, xă Dak Ngo kuăl jă bu nuyh bon lan nkra trong, koai bong dak hoch yăn bri mih

Ðảng viên Và Bá Súa (bơh chiau ti) bon Bu N'Ðâr, xă Quảng Tâm mbơh hưn nau bên mât chăm tơm mắc ca ân bu nuyh bon lan

Mbơh ntĭm, kuăl jă bơh kan bộ, đảng viên, Bu nuyh bon lan lĕ tâm kơl n'hâm suan, tâm kơl ti ndâk njêng Ðoàn Kết, xă Dak Ngo rlau nar rlau hao

A Trư - Y Sơn

ADQuảng cáo
(0) Bình luận
Nổi bật
Đừng bỏ lỡ
Tuy Ðức uănh kh'lay nau kan n'hao âk đảng viên tâm bon lan bu nuyh Mông (nau n'kôch dŭt): Kan bộ, đảng viên kơl bu nuyh bon lan
POWERED BY ONECMS - A PRODUCT OF NEKO