Trĕng kơl, n'hao phung kan bộ, công chức, viên chức bu nong iê bu nuyh

Bảo Ngọc| 27/10/2022 13:16

Ủy ban Bu nuyh bon lan n'gor Dak Nong mhe trŭnh Săm bŭt mrô 5978/UBND-TH bơh nau kan n'hao phung kan bộ, công chức, viên chức bu nong iê bu nuyh n'gor Dak Nong ta ăp năm mhe abaơ.

Ủy ban Bu nuyh bon lan n'gor đă ăp n'gâng kan, m'bŭch kan ndâk njêng nau kan sŏk dŏng tĕng nau n'hêl kơp r'noh biên chế ân di tâm lĕ r'ngôch biên chế dơi jao sŏk dŏng kan bơh bu nong iê bu nuyh ta ăp nau kan mô hŏ nŭm bơh nuyh kan bơh ăp n'gâng kan, m'bŭch kan.

Phóng viên, viên chức bu nong iê bu nuyh Báo Dak Nong lĕ n'hâm suan pah kan ăp ntil nau kan tâm bon lan

Ăp n'gâng kan, m'bŭch kan pah kan nê nê nau nchră kan, ntĭm, n'hao nau gĭt ân bu nuyh kan, nau blau bơh nau kan, lý luận chính trị ân phung kan bộ, công chức, viên chức lah êng n'hanh kan bộ, công chức, viên chức bu nong iê bu nuyh lah êng. Nau kan ntĭm nti, n'hao bu nuyh pah kan lah bu nong iê bu nuyh dăn gĕh nau kan tâm r'nglăp n'hanh gĕh nau kan, ndơ kan dơi n'hêl ta ăp ndơ kan bri dak, ndâk pah kan ân uĕh Nau kan mrô 03-ÐA/TU lơ 19/8/2021 bơh N'gor ủy gơi gĕh phung kan bộ bu ur, kan bộ druh ndăm, kan bộ bu nong iê bu nuyh dơi N'gâng kan Chăm gai N'gor ủy mât uănh ntơm abaơ tât năm 2030 n'hanh trong leo pah kan tât năm 2035.

Ăp n'gâng kan, m'bŭch kan ndâk tay nau kan sŏk, dŏng n'hanh mât kan bộ, công chức, viên chức gơi gĕh nau kan di sŏk dŏng, quy hoạch, dơm nau kan ndjôt bôk mât uănh đah ăp kan bộ, công chức, viên chức bu nong iê bu nuyh.

Bảo Ngọc

(0) Bình luận

Xếp theo: