Xă n'har bri Quảng Trực (Tuy Ðức) abaơ gĕh dăch tât 5.000 hec ta neh tăm ăp tơm gleh nar n'hanh tơm jŏ nar; tâm nĕ tơm mắc ca gĕh rlau 600 hec ta. Ta ăp năm lĕ lăn, gĭt mih nar, neh ntu tâm di nĕ n'gâng kan bri dak lĕ n'hưch bu nuyh bư mir tâm xă pơk huy neh tăm tơm mắc ta ndrel tơm ca phê, mô rĭ tăm êng gơi njŭn tơm mắc ca jêng tơm bư n'sĭt âk prăk tâm nau pah kan bư mir ma bu nuyh bon lan mpeh n'har bri.
Tĕng âk r'năk bu nuyh bon lan tăm mắc ca ta xă Quảng Trực n'kôch tơm mắc ca jêh tăm 4 - 5 năm gĕh play pĕ; he ch'hik gâ, mô kâp tŏ dak âk, sui 1 -2 tâ phân du năm tơm ngăch ngăn jêng. Du năm tơm mắc ca gĕh pĕ tâm 1,5 tân krăp mắc ca tâm du hec ta; đah r'noh tăch 80.000-115.000 r'hiăng du kí grăp. Jêh tâm prăk dŏng pah kan lor, bu nuyh bon lan gĕh n'sĭt tâm 100 r'keh prăk du hec ta. Ðah tăm ca phê tơm mắc ca nơih ngăn tăm, nơih mât chăm n'hanh n'sĭt nao nao prăk.
R'năk che Ðiểu Blao ta bon Bu Prâng gĕh 2 hec ta neh tăm mắc ca, gĕh n'sĭt tâm 200 r'keh prăk du năm
Bu nuyh bon lan săch play mắc ca kranh, dŭm pĕ lor
Mắc ca Quảng Trực sâm kơl ndâk njêng nau moh kan "Mắc ca Bu nong" kơp di 3 sao tâm nau kan OCOP
Bình luận của bạn đã được gửi và sẽ hiển thị sau khi được duyệt bởi ban biên tập.
Ban biên tập giữ quyền biên tập nội dung bình luận để phù hợp với qui định nội dung của Báo.
