Tiêu krăk Nam Bình Tiến

Nguyễn Nam| 08/12/2022 09:41

Saơ gĭt nau hao n'hanh nau ŭch ndơ dŏng rlau nar rlau uĕh, Hợp tác xă tiêu hữu cơ Bình Tiến, thôn 8, xă Nam Bình (Dak N'Soong) lĕ tĕng kơt nau ntĭm tăm tiêu hữu cơ, n'sĭt âk đê prăk tâm nau kan ân ma bu nuyh bon lan.

Ndâk njêng ntơm năm 2017, Hợp tác xă tiêu hữu cơ Bình Tiến gĕh 160 hec ta, tâm r'nglăp pah kan ndrel ma 63 thành viên gơi tăm tiêu hữu cơ nâp phêt. Tât abaơ, hợp tác xă lĕ ndâk njêng ntŭk tăm tiêu dơi kơp VietGAP pah kan bư mir jan ba uĕh ta Việt Nam, RainForest (nau kơp bư mir jan ba nâp phêt)... n'hanh gĕh dăn bư nhãn hiệu sở hữu trí tuệ đah nau moh "Tiêu krăk Nam Bình Tiến".

Khay 11/2021, drăp grăp tiêu dơi Cục Sở hữu trí tuệ (Bộ Khoa học n'hanh Công nghệ) pă săm bŭt dăn ntĭm ntŭk tăm. Tâm nĕ, Hợp tác xă Bình Tiến dơi pă săm bŭt kơp nau dơi dŏng săm bŭt ntĭm ntŭk tăm "Dak Nong" ân ma grăp tiêu krăk. Dơi gĕh săm bŭt ntĭm ntŭk tăm, grăp tiêu tâm hợp tác xă dơi âk bu nuyh gĭt, nơi joi ntŭk tăch; n'sĭt uĕh ma nau kan tăm tiêu nât phêt. Năm 2021,"Tiêu krăk Nam Bình Tiến" bơh hợp tác xă dơi n'gor Dak Nong kơp, dăp jêng drăp OCOP kơp di 3 rmanh.

Ntơm năm 2017 tât abaơ, ăp năm, hợp tác xă tăch gĕh 700 tấn tiêu hữu cơ, kh'lay đah r'noh bu tăch tâm bon lan ntơm 20- 30%. Tâm nĕ tiêu tâm hợp tác xă dơi bu tăch âk ta Ấn Ðộ.

Nguyễn Nam

(0) Bình luận

Xếp theo: