Thuận Hạnh sir jul cuôs tâu xar jêx jos yaz nâng cao

Mai Anh| 30/12/2022 15:36

Xar Thuận Hạnh (Đăk Song) muôx 17,4 km cêr đriv cênhz Campuchia, đrul angr tưx nhiên 7.343 ha; zos 11 luz jos, 2.617 tsêr đrul 9.800 lênhx nênhs, 13 zangv minhx cxưx cưr tix nhoz uô cê. Tâu công nhênhx huv jêx jos yaz (NTM) trâu shông 2019, Đảng bôx, chinhr cuênx haz Pêx xinhv cxuô minhx cxưx hur xar txuôl nzir sir jul cxiv tsang haz uô tar NTM nâng cao trâu shông 2025.

Chia uô tâu chor mux tiêu sâuv, xar Thuận Hạnh tox tsongs cxuô đăngs jul haz sir jul tuôr, cxangz ndê tsât lươngs chor tiêu chir NTM, tiv zix mas tiêu chir xur 20 lus thangx tsangv tiz nênhs nhoz zangv kâur haz tiêu chir xur 21 lus vangx kâur-têz kâur. Hur ntơư, tox tsongs cxiv tsang ntâu mô hinhx phuôv tsangr cinh têr truôx đrênhk, liên cêt uô cax phê, phưx txoz trơưs făngz kôngz lông an toanx, truôx đrênhk tâu tiêu tsuânv VietGAP, GlobalGAP, 4C, UTZ, Organic; đâux tư khu, cxangz cêt câur hax tângx cêr môngl lus…; tos điêux ciêns zôngx ziv hlo chia Pêx xinhv tox tsongs phuôv tsangr cinh têr-tsôngv langx, tuôr truôx đrênhk an ninh tsinhz chai ntơưv trôngx qơư.

Nhis nuôr, iz cxa tiêu chir phiv liv trơưs bôx tiêu chir yaz lus cxiv tsang NTM nâng cao xưs li: y têr; tiv lêx los đôngx đhâu đox tos; tiêu chir cui hoaix mas UBND xar trâu saz kruôz ntuôl, kruôz hu, kra trâu pêx xinhv pâu mênhx grê, chai haz tsach nhiêms chia pêx xinhv côngv saz, côngv njưl côngv uô.