Kangz hli 4/2022, Tân hu haz txaik tâu 150 chơưx nhiax đâux tư 900 m2 angr uô tsêr ar chia chok 2 zangv điz nuôr. Tân đâux tư haz uô trơưs công nghês cao hur sanv xuât xưs li: hêx thôngr tsuôk đêx đrul ndok, công nghês tuânx hoanx hêx sinh thair hur tsêr ar, qir huưr cơ yangx… Tân tsênhv đhok nzuôv chuô, cxơưz pangz lơưr cangz zôngr, uô muôx CO2 trâu kôngz hluz, muox năng suât, tsât lươngs txir jông, muôx kangz hâu cinh têr saz.
Trơưs tix lâul, kror chok, tu vangx điz muôx li 60-65 nuz mas tâu sâu txix 2,5-3 tênhr txir, đrul grê muôs txix 35.000- 45.000 nhiax/kg. Yưx chi phir, Tân sâu tâu muôx li 70-80 chơưx nhiax/chiv. Iz shông, Tân chok 3 chiv điz hur tsêr ar; cưr siz hlôngr iz chiv điz lê Hoàng Kim mas chiv uô kangz chok điz lê Hàn Quốc. Hos nôngz điz haz qơư muôs chês tưz muôx công ti zuôr sanv phâmv mas tsuôs tox tsongs tu điz cuôs jông…
Kror nhis đhâu, mô hinhx nuôr ntơưv Tân tưz tâu môngl vongx banr cêt jss siz tưr Khơiv nghiêx Thanh niên jêx jos shông 2022 zos Trung ương Đoàn TNCS Hồ Chí Minh tsov cưv. Tân tâu Xênhr đoanx Đăk Nông yangx côngz zos Lênhx thanh niên điênv hinhx tiên tiên cơưv shuv haz uô trơưs lus Lâul, ntu 2020-2022.
 |
Chuôz nzaz ntêk cangz zôngr cxuôv hav điz |
 |
Ðhok mair nzuôv chuô trâu vangx điz |
 |
Ðâux tư tsêr ar chia chok điz trơưs công nghês tiên tiênr |
A Trư