Nô Hùng n’kôch ân gĭt, tơm play mbhŭng aơ nơih tăm, iê hoăch n’hâm suan mât chăm đah ma ăp ntil tơm tăm bă bă. Jêh tăm tât ta gĕh play pĕ tâm 6 khay, jâk play tâm 2 – 2,5 kí du mlâm. Tâm du tơm gĕh pĕ play ntơm 20 – 25 kí; tơm gĕh kao ntơm 2 – 3 năm n’hanh play tâl bar âk rlau play ntơm gĕh. Abaơ play mbhŭng dơi bu tât ta wâl r’văt 4.200 r’băn du kí play mbhŭng ndrêh n’hanh 10.000 r’băn du kí play mbhŭng dŭm. Ðah r’noh tăch aơ, jêh tâm prăk dŏng pah kan lor, năm 2020 r’năk nô Hùng gĕh n’sĭt dăch tât 200 r’keh prăk.
 |
Pŏk neh lor ma tăm n’hanh n’jrăng n’gang ăp ntil tu ndrŭng chuh sa |
 |
Sui phân n’hanh tŏ dak ân nŭm ma tơm play mbhŭng gơi tơm play mbhŭng gĕh âk play |
 |
Ntil play mbhŭng gĕh play têh, ntô bler lah dŭm gĕh rgôl rmĭt, iê grăp, sa kah, dơi âk bu nuyh bon lan r’văt |
Hồ Mai