Sir jul uô tar chiv tiêu, nhiêmx vus Nghis cuêt shông 2023

Txix hâur shông 2022 txus nuôr, Xênhr wiv tox tsongs chox kra, tơư kra uô yangx haz tâu 13 chiv tiêu nghis cuêt tưz chuôz kra, hur ntơư muôx 7/13 chiv tiêu yangx. Tôc đôs cxangz ndê GRDP nhangx xangv tâu 7,54%; GRDP fênhx đrăngz tâuz hâu tiz nênhs nhangx tâu 59,81 chơưx nhiax; tangs nro pênhr đâux tư tangs tsôngv langx nhangx xangv tâu 19.280 tiv nhiax (cxangz 14,5% so li shông 2021); sâu ngân sach têz qơưs nhangx xangv tâu 3.475 tiv nhiax…

​

Ban Tsât hanhx Đảng bôx xênhr biêuv cuêt yangz đhâu Nghis cuêt ntơưv Xênhr wiv khoar XII lus hâux lưv shông 2023

Shông 2023 zos shông grê los six zov chênhr, muôx tinhr tsât cuêt tinhv txus tiênr đôs, tsât lươngs, khôir lươngs tiv zix ntơưv chor hâux lưv, cêr hoaix 5 shông. Ban Thươngx vus Xênhr wiv tưz siz thangv, đêx xuât Ban Tsât hanhx Đảng bôx xênhr mux tiêu tangs nro, 13 pơưk chiv tiêu haz chor nhiêms vus, pơưk tsưr ziv zov chênhr chia chox kra, tơư kra sir jul uô.

Kra chai xâu kangz, đôngx chir Ngô Thanh Danh, Bí thư Xênhr wiv cuôs cxênhx wiv cxuô cxênhx phat hui saz tinh thânx tsach nhiêms, sir jul, trâu saz, chênhr yênhv, chênhr phangx, sangr tos hur chox kra, tơư kra, tsov cưv uô, sir jul cuô tâu cêt cuav saz hlo, pangz mangx uô tar Nghis cuêt hâux lưv shông 2023. Tiv zix zos kra uô muôx kangz hâu Nghis cuêt xur 23, nuz 6/10/2022 ntơưv Bôx Tsinhz chai lus phương hươngr phuôv tsangr cinh têr-tsôngv langx, bov đamv cuôr phongx, an ninh thangx tsangv Tây Nguyên txus shông 2030, til saiz môngl txus shông 2045.

Bảo Ngọc