 |
Thuv tươngr Nguênr Xuân Phuc haz chor đais biêuv môngl tơư uô cê ntơưv đrôngl môngl tơư thangx tsangv Ntul pangs Hoangx Ciêmr chia côv vur, uô trơưs phong tsox tangr khâuz nhangz bur. |
Thuv tươngr has, khâuz nhangz bur tangz tov zos vânr đêx moz tâuz hâu tangs nro kangz ntux. Iz shông chor khâuz nhangz bur cưs tuôz nênhs laiv tsês txâus chia bul ntuv nti 4 jas angr blax têz. Khâuz nhangz bur cxuôv hav tiêu cưx txus hês sinh thair, môi trươngx chiax nhoz, đăngs jul tiz nênhs haz phuôv tsangr truôx đrênhk ntơưv iz têz qơưs. Thuv tươngr Nguênr Xuân Phuc has mux tiêu, sir jul txus shông 2021, chor cưv hangx, caz khư, siêu this nhoz hur đrôngl tsi sir zôngv đôx bur zôngv iz jas; txus shông 2025, tangs nro têz qơưs tsi sir zôngv đôx bur zôngv iz jas. Thuv tươngr cuôs cxuô ban, bôs, nganhx, cơ cuan Trung ương haz trôngx qơư zov chênhr đuô haz, tox tsongs chox kra, tơư kra tsov cưv uô trơưs chor hoax đôngs tangr khâuz nhangz bur.
 |
Tangs nro têz qơưs haz tsi tsuô nangz nilon iz jas. Ảnh tư liệu |
Quốc Sỹ