Sênhr chêr đruôl Chhay-dăm

H’Mai (th)| 10/11/2022 10:28

Sênhr chêr đruôl Chhay-dăm zos iz zangv nghêx thuôx tâu Phối sư Thái Chia Thanh (nênhs Campuchia) kra trâu pux tuz nhuô sminhx cxưx Khmer ntơưv Việt Nam trâu shông 1972 chia sênhr chêr chor lêr hôix Cao Đài ntơưv Toà thánh Tây Ninh.

Txus nuôr, iz făngz chor lêr hôix sâuv, sênhr chêr đruôl Chhay-dăm tsênhv tâu sênhr chêr trâu hur Tsaz Chol Chnam Thmay, lêr hôix Ok Om Bok, lêr Đolta… ntơưv nênhs Khmer nhoz Bàu Ếch thuôx âp Trường An, xar Trường Tây, hênhx Hoà Thành. Chia sênhr chêr đruôl Chhay-dăm muôx tsơưs hlo 12 lênhx, iz lênhx chox sâu vzus iz luz đruôl. Nhoz txix nênhs lux los sis zâu mas sir zôngv đruôl lus los sis zâu. Phênhv hâur đruôl ntuôr lux tâu bul tơưr tưv los sis nangz mangl sêx kruôr, phênhv kangz đruôl zâu đuô, tâu txuôl trâu tơư đruôl muôz hlâu uô. Chor đôngx tac sênhr chêr đruôl Chhay-dăm jông iz zangv li muôr vor haz cênhz uô cê côngv sênhr chêr: sênhr chêr iz lênhx, oz lênhx, pêz lênhx los sis plâuz… Thâuv ntơư, iz făngz kroz đruôl đror đrăngx đrênhk, nhix nhangx cênhz tox têv, nênhs sênhr chêr sênhr chêr tsênhv zôngv lâux yiz, hâur châuk, lâux tơư chia khoz đruôl ntơưv zus haz fôngx zưl côngv sênhr chêr. Chor đôngx tac tsuv muôx jul, khor kho. Thâuv đha tror kuôr, phênhv tơư đruôl uô ntơưv hlâu cxuôv tsangr sênhr chêr uô đror đix đơưx đax trưng jiêng.