Mbơh nau kan ta nar rbŭn, Bí thư N'gor ủy, Kô ruanh Phung kan Ðại biểu Quốc hội n'gor Ngô Thanh Danh n'kôch aơ jêng du ntil nau kh'lay bơh nau kan chính trị, nau way, nuih n'hâm. Jêng tâ gơi Ðảng bộ, Bu nuyh bon lan ăp bu nong nkah n'hanh r'nê n'hâm suan, nau way janh tâm lơh, mô klach nau khĭt bơh bon lan ăp bu nong tâm n'gor Dak Nong ta 1/4 thế kỉ (ntơm năm 1912 tât năm 1936) yor N'Trang Lơng ndjôt bôk ntĭm gai, tâm r'nglăp nau tâm lơh đah phung Prăng pit ih neh ntu bu nong Việt Nam.
N'gor Dak Nong ndâk nkra Gâng rup N'Ttrang Lơng gơi kah gĭt n'hâm suan dŭt âk bơh N'Trang Lơng n'hanh nkah ăp ntil ndơ dơi gĕh tâm lơh đah Prăng bơh bon lan Tây Nguyên; ntĭm nti nau way rŏng ma bri dak, tĕng nau ntĭm "ngêt dak kah gĭt ma ntu" ân Bu nuyh bon lan n'hanh oh mon kon sau bơh kơi dơi gĭt.
Nau kan ndâk nkra Gâng rup N'Trang Lơng mpơl saơ nau mât, nau nsrôih têh bơh Ðảng bộ, n'gâng kan bri dak n'gor Dak Nong đah nau kan mât mray, hao dŏng uĕh ndơ khlay, nau way, nuih n'hâm uĕh bơh bon lan ăp bu nong iê bu nuyh; jêng nau tâm kơl n'hâm suan, tâm kơl ti bơh bu nuyh bon lan, doanh nghiệp ta nau pah kan kơl ndâk nkra gâng rup, mỹ thuật...
 |
Rbŭn kah gĭt 110 năm Nau kan dâk tâm lơh N'Trang Lơng n'hanh Lăp dŏng Gâng rup N'Trang Lơng dơi ndâk kan têh uĕh |
 |
Kô ruanh ntĭm gai N'gor ủy, Hội đồng bon lan, Ủy ban bon lan, Ủy ban Mặt trận Bri dak Việt Nam n'gor n'hanh kô ruanh ntĭm gai n'gor ta ăp năm |
 |
Bí thư N'gor ủy, Kô ruanh Phung kan Ðại biểu Quốc hội n'gor Ngô Thanh Danh n'kôch nau kh'lay Nau dâk tâm lơh N'Trang Lơng n'hanh gâng rup |
 |
Ăp wa n'jôt ntĭm gai n'gor koh siăm lăp dŏng ndơ nkra Gâng rup N'Trang Lơng |
 |
Ndơ kan nghệ thuật mpơl saơ nau uĕh Nau dâk tâm lơh N'Trang Lơng |
 |
Ndơ nkra Gâng rup N'Trang Lơng gơi ntĭm nti nau way rŏng ma bri dak ân phung kon se bơh kơi |
H' Mai