Tât abaơ, hợp tác xă gĕh 20 thành viên ngăn ngên n'hanh dôl tâm r'nglăp pah kan ndrel ma 220 r'năk sa tâm M'bŭch kan tăm tơm play xoai VietGAP Dak Găn. Tâm nĕ, gĕh 70 r'năk sa dơi bu kơp gĕh mã vùng tăm tơm play xoai. Hợp tác xă dôl gĕh neh tăm tơm play xoai rlau 343 hec ta, dơi kơp di VietGAP. Năm 2021, play xoai Dak Găn dơi Ủy ban bon lan n'gor kơp jêng ndơ OCOP 3 rmanh. Abaơ, hợp tác xă tăm gĕh 5 ntil tơm play xoai: xoai Ðài Loan ndrêh, xoai Ðài Loan chăng, xoai Thái Lan, xoai ba mùa n'hanh xoai Úc. Tăm tơm play xoai VietGAP đăp mpăn mô gĕh nau khih ma săk jăn bu nuyh sa, sâm kơl ăp thành viên mô rvê mô gĕh ntŭk bu r'văt. Jêh rĭ r'gâl nau pah kan đăp mpăn mô gĕh dŏng dak si, uĕh lăng ma n'hâm suan săk jăn bu nuyh, ntŭk rêh... Abaơ, lĕ r'ngôch ăp thành viên tâm hợp tác xă dơi pah kan tĕng nau ntĭm, dŏng nau tŏ dak truh iê iê, tăch play xoai ta sàn thương mại điện tử.
 |
Mẫn Doanh