Nuz đaix Ðoanx cêt tangs minhx cxưx ntơưv Thuận An

Nuz hôix jông saz tol đôngx chir Trần Tuấn Anh, Wiv viên Bôx Tsinhz chai, Thơưx Ban Cinh têr Trung ương; hlôngr njêx muôl thơưx chox Wiv ban Trung ương MTTQ Việt Nam xênhr Đăk Nông tuôx côngv, uô si cênhz pux tuz nhuôs.

Đôngx chir Trần Tuấn Anh khơưs nux trâu tox thêv haz chuôz zis liên khu tiz nênhs nhoz jos Thuận Hòa haz jos Bu Đăk, xar Thuận An

Kra chai ntơưv Nuz hôix, đôngx chir Trần Tuấn Anh ntâus grê saz, yangx côngz chor cêt cuav uô tâu hur nôngz nhôngl đhâu ntơưv Đảng bôx, chinhr cuênx haz Pêx xinhv xar Thuận An has tsongs haz liên khu tiz nênhs nhoz jos Thuận Hòa haz jos Bu Đăk has jiêng. Đôngx chir hu grul côngx đôngx tiz nênhs nhoz, iz tsêr nênhs, pêx xinhv trâu saz côngv, uô jông trơưs Jas kruôz hu "Tangs pêx xinhv côngv saz cxiv tsang jêx jos yaz, đrôngl vangv mênhx”. Côngx đôngx tiz nênhs nhoz, iz tsêr nênhs, pêx xinhv phat hui truênx thôngr "Hâuk đêx ndu hâur", "Nox txir ndu nênhs chok ntông”, tinh thânx “Siz hluz siz pangz”, tox điêux ciêns pangz thương binh, chuôz zis liêx sir, nênhs muôx công trâu cach mangx tsênhv pluôl, njiz cêr txov nhev, chor hoax đôngx nhân đaos, tưx thiêns til môngl txus nênhs pluôl, nênhs lâul nhoz iz lênhx, nhuôs zâu tsi muôx nav txir tsi muôx qơư fênhz…

Jas nuôr, pov đhâu Wiv ban MTTQ Việt Nam xênhr Đăk Nông, đôngx chir Trần Tuấn Anh khơưs trâu Pêx xinhv xênhr Đăk Nông 10 luz tsêr muôx grê 500 chơưx nhiax, 2 phênhv nux trâu jos Thuận Hòa haz jos Bu Đăk, 10 poz nux trâu 10 tsêr nênhs txov nhev hur 2 luz jos.

Mỹ Hằng