Ntŭk Mât sinh quyển Núi Chúa

Mẫn Doanh (th)| 06/10/2022 21:29

Ntŭk Mât sinh quyển Núi Chúa ta neh ntu bar n'qual Ninh Hải n'hanh Thuận Bắc tâm n'qual Ninh Thuận jêng ntŭk tâm mâp bơh pe mpeh bri, dak rlai n'hanh neh choih đah r'noh neh ntu gĕh rlau 106.646 hec ta. Ntŭk aơ gĕh 6 ntil bri ntơm bơh ta pĭt dak rlai âk rsial tât ta ntŭk yôk Núi Chúa đah độ prêh 1.039 met đah ma dak rlai.

Ntŭk mât gĕh âk mpô mpa gĕh nau kh'lay bơh ăp bri dak gĕh kuănh jâng krăk, cheo kơi nglang

Tĕng bu uănh kơp, Ntŭk Mât sinh quyển Núi Chúa abaơ gĕh 1.514 tơm si, tâm nĕ gĕh 54 tơm di dơi bu nchih ta Săm bŭt chăng Việt Nam n'hanh Săm bŭt nchih chăng bri dak. Mpô mpa rêh gĕh 766 mpô mpa dơi bu gĭt, tâm nĕ gĕh 48 mpô mpa kh'lay n'hanh gĕh iê dơi bu ta Săm bŭt chăng Việt Nam n'hanh Săm bŭt nchih chăng bri dak.

Saơ mpơl yôk bri, kơh dak rlai, choih đah ma âk tơm si n'hanh mpô mpa, aơ jêng ntŭk tât bơh phung kan khoa học tât mĭn joi n'hanh ntŭk tât hăn pâl bơh ăp bu năch, gơi gĕh ntŭk pâl uĕh bơh nri dak. Lơ 15/9/2021, N'gâng kan Ntĭm sơm, Khoa học n'hanh Nau way bơh Liên hợp Quốc (UNESCO) kơp Vườn quốc gia Núi Chúa jêng Ntŭk Mât sinh quyển ăp bri dak.

Mẫn Doanh (th)

(0) Bình luận

Xếp theo: