 |
Tĕng Ndơ kan, Dak Nong nsrôih pah kan dŭt nau kan lăp săk ta hộ khẩu, hộ tịch ân ma ăp bu nuyh bon lan dơi kơl tĕng nau n'hêl |
Tĕng ndơ kan aơ, pah kan tât ta năm 2025, Dak Nong nsrôih pah kan mô hôm gĕh bu nuyh bon lan tă bơh n'gor êng tâtrêh tâm n'gor, pah kan dŭt dăp ntŭk rêh ân ma bu nuyh bon lan tă bơh n'gor êng tât rêh tâm n'gor (tâm 5450 r'năk sa). N'gor nchŭn pah kan ân dŭt, nkra ngih wâl gung trong n'hanh sâm kơl bu nuyh bon lan bư mir jan ba ta ntŭk rêh mhe gơi đăp mpăn nau rêh n'hanh hao uĕh lăng nau rêh bu nuyh bon lan. Tât năm 2030, gĕh n'sĭt du huê bu nuyh bơh ăp r'năk ta ntŭk rêh mhe tâm ban đah r'noh prăk gĕh n'sĭt bu nuyh bon lan tơm; đăp mpăn nau rêh n'hanh hao nau rêh nâp phêt ân ma ăp bu nuyh bon lan ta ntŭk rêh mhe.
Nau pah kan tơm, n'gor mra dăp, joi ntŭk rêh đăp mpăn tă bơh ăp ntŭk dăp kan mô hŏ dơi ta 5 ndơ kan lĕ dơi trŭnh kan n'hanh 8 ndơ kan mhe tâm năm 2021 - 2025 đah r'noh dơi kơl lah 5.450 r'năk sa ta 7 n'qual. N'gor jao neh, kơp ân neh gŭ 222 hec ta (gĕh: ndâk njêng nau rêh đăp mpăn du ntŭk, tâm r'nglăp n'hanh njŭn gŭ du ntŭk ta ntŭk bu dăp nau kan mhe).
Bảo Ngọc