Nau bư brah ma huêng bu nuyh khĭt jêh lah ăp bu nuyh tâm mpôl băl kât rse brai ta ti bu nuyh dơi bu bư brah kuăl huêng gơi huêng ngăt n’hanh săk jăn lăp du ntŏk |
Tâm nau way bư brah ma huêng bu nuyh khĭt, ndơ dŏng kh’lay gơi bư brah lah ao bu nuyh khĭt nĕ nơm. Bu jâu n’hanh kon sau, mpôl băl bư brah gơi dăn ăp ntil nau uĕh lăng ân bu nuyh khĭt dơi bu kuăl huêng. Ăp bu nuyh tât rbŭn bư brah way ndjôt iăr, phe mbêt, banh, play sa… Jêh bư brah, ăp bu nuyh gŭ sông ndrel du ntŏk, yơr ka chok ngêt ndranh, mbơh hưn nau m’ak. Bu nuyh Thái way bư brah kuăl huêng ma kon se mhe deh, mpôl băl lĕ khĭt, lah kon bu ur sit gŭ ta wâl bu klô, gĕh bu nuyh tă bơh ntŏk ngai sĭt tâm bon lan…
Bình Nhi (t.h)