 |
Ăp n’qual rơm jêh nau pah kan săch bu nuyh kan ma bon lan. Ảnh: Y Krăk |
Nau kan tâ1: Bu nuyh mât nau kan săch bu nuyh kan ma bon lan n’hanh ăp bu nuyh pah kan bă bă ksiêm săk jăn duh ma mô, tho ti ma dak si lor ma lăp ntŭk pah kan.
Nau kan tâl 2: Cử tri tât săch bu nuyh kan hăn di trong, put muh muh, ngai bu nuyh aơ đah bu nuyh ri tâm 2 met n’hanh dơi bu ksiêm săk jăn duh ma môr lor ma wơt kan.
Lah săk jăn mô gĕh duh n’hanh mô gĕh nau rĭ aơ, ntĭm tay cử tri hăn tât ta ntŭk tho ti. Lah saơ cử tri ji kop n’hanh siĕk, bu nuyh mât nau kan săch bu nuyh kan ma bon lan n’hanh ăp bu nuyh pah kan bă bă mbơh ân ăp cử tri bă bă mô hôm dơi hăn, jêh rĭ njŭn bu nuyh aơ tât ta ntŭk bu n’gar gŭ êng; ôp nô nau rĭ aơ n’hanh pah kan tĕng nau ntĭm n’jrăng n’gang nau ji tưp.
Nau kan tâl 3: Ta ntŭk bu mpơl săk cử tri n’hanh nô nau pah kan bu nuyh dăn kan têh cử tri ksiêm n’hanh uănh rŏ nô nau mbơh bu nuyh dăn kan.
Nau kan tâl 4: Ta Sưng sŏk săm bŭt cử tri n’hanh sưng mbơh hưn nau kan săch bu nuyh kan ma bon lan, cử tri mpơl săm bŭt cử tri.
- Bu nuyh kan mât nau kan săch bu nuyh kan ma bon lan ksiêm săm bŭt cử tri, trĕng đah săm bŭt cử tri, pă săm bŭt săch bu nuyh kan ma bon lan n’hanh ntĭm cử tri nau kan bơh kơi. Cử tri dơn săm bŭt cử tri jêh rĭ hăn ntŭk nchih săm bŭt săch bu nuyh kan ma bon lan
- Bu nuyh kan mât nau kan săch bu nuyh kan ma bon ntĭm cử tri tho ti, put muh, gŭ tâm ngai bu nuyh aơ ma bu nuyh ri.
Nau kan tâl 5: Ta ntŭk n’klăch săm bŭt săch bu nuyh kan ma bon lan, jêh nchih săm bŭt cử tri tho ti jêh gŭ ta ntŭk nchih săm bŭt săch bu nuyh kan.
Nau ntênh: Lah bu nuyh đă bu nuyh nchih an săm bŭt, bu nuyh kan mât nau kan săch bu nuyh kan ma bon lan tho ti tĕng nau ntĭm.
Nau kan tâl 6: Ta thung n’klăch săm bŭt, cử tri n’klăch săm bŭt tĕng nau bu ntĭm n’hanh gŭ tâm ngai bu nuyh bơh năp n’hanh bơh kơi tâm 2 met.
Nau ntĭm tâl 7: Jêh cử tri n’klăch săm bŭt:
- Bu nuyh kan mât nau kan săch bu nuyh kan ntĭm cử trĭ njŭn săm bŭt cử tri ân tổ kan săch bu nuyh kan ma bon lan pâng dak chăng “Jêh n’klăch săm bŭt” ta săm bŭt cử tri.
- Ntĭm cử tri tho ti n’hanh gŭ tâm ngai bu nuyh ao đah bu nuyh ri ân di tĕng nau kan bu ntĭm.
Quốc Sỹ