Nar rbŭn Tâm r'nglăp lam ăp bu nong ta Thuận An

Nar rbŭn aơ dơi wơt wa Trần Tuấn Anh, Ủy viên Bộ Chính trị, Kô ruanh N'gâng kan Wăng sa Trung ương; mpơl măt ăp kô ruanh ndjôt bôk bơh Ủy ban Trung ương Mặt trận Bri dak Việt Nam n'gor Dak Nong tât rbŭn, m'ak ndrel bu nuyh bon lan.

Wa Trần Tuấn Anh ân ndơ ma phung kan n'hanh r'năk sa ta ăp ntŭk rêh bon lan tâm thôn Thuận Hòa n'hanh bon Bu Dak, xă Thuận An

Mbơh ngơi ta Nar rbŭn, wa Trần Trần Tuấn Anh lah uĕh, r'nê ăp ntil nau dơi gĕh pah kan bơh Ðảng bộ, n'gâng kan bri dak n'hanh Bu nuyh bon lan xă n'har bri Thuận An n'kôch ndrel n'hanh ăp ntŭk rêh bon lan ta thôn Thuận Hòa n'hanh bon Bu Dak n'kôch êng. Wa kuăl jă bon lan, ăp r'năk sa, bu nuyh bon lan nsrôih tâm nuih n'hâm, pah kan uĕh Nau kuăl jă "Lam bu nuyh bon lan tâm rom gop ndâk njêng bon lan mhe, bon têh gĕh nau way". Bon lan, ăp r'năk sa, bu nuyh bon lan mât uĕh nau way "Ngêt dak kah gĭt ma ntu", "Sa play kah gĭt ma bu nuyh tăm tơm play", nuih n'hâm "Rŏng đah n'hâm suan săk jăn he nơm tâm ban rŏng đah n'hâm suan đah ăp bu nuyh bă bă", sâm kơl ka han rmanh, r'năk sa gĕh n'hâm suan ma bri dak, bu nuyh gĕh n'hâm suan ma kăch mạng gĕh nau rêh o-ach, mâp nau rêh o-ach, ăp ntil nau pah kan kơl nau rêh kon bu nuyh, sâm kơl bu nuyh o-ach, bu ranh mô gĕh ntŭk n'sing, kon se kon đơi mô gĕh ntŭk rêh n'sing...

Ta nar aơ, trŭnh nau kan bơh Ủy ban Mặt trận Bri dak Việt Nam n'gor Dak Nong, wa Trần Tuấn Anh ân Bu nuyh bon lan n'gor Dak Nong 10 rplay wâl kơp lah tât 500 r'keh prăk, 2 ntil ndơ ân ma thôn Thuận Hòa n'hanh bon Bu Dak, 10 ndơ ân ma 10 r'năk gĕh nau rêh jêr jŏk ta 2 thôn, bon.

Mỹ Hằng