Mĭn joi, hăn uănh trôm lŭ ta ISV20

H’Mai (gt)| 27/10/2022 13:04

Ăp trôm yôk ŭnh tâm Công viên neh ntu lam ăp bri dak UNESCO Dak Nong âk ngăn. Tât abaơ, gĕh tâm 49 trôm lŭ dơi bu joi saơ n'hanh mĭn joi nau kan tơm, đah r'noh trong trôm lŭ jong rlau 10,1 km. Bơh đah gĕh nau kh'lay khoa học, nau uĕh n'hanh nau ntĭm sơm, aơ hôm jêng ntŭk tât ân ma bu năch hăn khâl, hăn uănh nau uĕh bơh nau ndâk njêng Play Neh.

ADQuảng cáo

Ta tâ Rbŭn nchră nau kan Rbŭn quốc tế trôm lŭ yôk ŭnh tâ 20 (ISV20), mra gĕh ăp tâ bu mĭn joi, hăn uănh trôm lŭ yôk ŭnh C7, C3+C4, C6.1, P20, C8, C9. Tĕng nau kan aơ, trôm lŭ C7 jong 1.066,5 met jêng trôm lŭ dung nham dơi Hiệp hội Trôm lŭ yôk ŭnh Nhật Bản kơp kỉ lục ta Ðông Nam Á bơh nau têh, nau jong n'hanh nau uĕh. Trôm lŭ C3+C4 ta mpeh leng dak Dray Săp - Gia Long, tâm mâp đah trôm lŭ bă bă n'hanh jong 968 met. Trôm lŭ C6.1 gĕh âk ndu ndơ rtêl nau rêh Lŭ mhe - Kim khí, tâm nĕ rtêl nting bu nuyh tiền sử jŏ đah abaơ ntơm 6.000 - 7.000 năm. Trôm lŭ C9 jêng du trôm lŭ têh vil, prêh tâm 12 met, huy tâm 15 met...

Mô gĕh kơt trôm lŭ yôk lŭ vôi, trôm yôk ŭnh lŭ bazan mô saơ dăng n'hanh mô nâp, nơih rhuh. Yor nĕ, đah ăp trôm lŭ yôk ŭnh mô hŏ dơi bu dŏng nkra bư ntŭk hăn pâl, bu năch mô dơi lăp êng lah mô ndjôt ndu ndơ n'jrăng n'hanh dơi n'gâng kan bri dak n'qual n'hanh ăp phung kan mât mơi dơi lăp.

Trôm lŭ C3 + C4 dơi n'gor Dak Nong tâm pă jêng ntŭk tât hăn pâl ta Công viên neh ntu lam ăp bri dak UNESCO Dak Nong

Mpông trôm lŭ C3

ADQuảng cáo

Nham thạch ta trôm lŭ C4

Mpông trôm lŭ C8 gĕh nar chrat bư gĕh nau uĕh êng ang, dah ndơ mô gĕh ngăn ngăn

Ăp phung kan khảo cổ saơ ntŭk rtêl nau rêh bu nuyh tiền sử ta trôm lŭ C6, C6.1...

H’Mai (gt)

ADQuảng cáo
(0) Bình luận
Nổi bật
Đừng bỏ lỡ
Mĭn joi, hăn uănh trôm lŭ ta ISV20
POWERED BY ONECMS - A PRODUCT OF NEKO