Kra chai ntơưv chuôv lêr, Bí thư Xênhr wiv, Thơưx Pangz ĐBQH xênhr Ngô Thanh Danh khăngv đinhs nuôr zos xưv cxênhx muôx grê lus đruôl tsinhz chai, văn hoar, tinh thânx lux yangx. Zos jas chia đảng bôx, chinhr cuênx haz Pêx xinhv cxuô minhx cxưx xênhr uô cê tror ndu haz yangx côngz chor chiênr công oanh liêx, truênx thôngr đâur tsanh bât khuât, ciên cươngx ntơưv tsôngv box cxuô minhx cxưx xênhr Đăk Nông hur tangs nro ntu lus đruôl 1/4 thêr civ (txix shông 1912 txus shông 1936) zos thuv linhr N‘Trang Lơng chox kra, cênhz jas đâur tranh tir thưx jân Phap tsinhz têz qơưs ntơưv minhx cxưx Việt Nam.
Xênhr Đăk Nông cxiv tsang công trinhx Tươngx đaix N'Trang Lơng tsês ndu công lao lux yangx ntơưv thuv linhr N'Trang Lơng haz kruôz has lus chor chiênr công tir Phap oanh liêx ntơưv tsôngv box Tây Nguyên; zor zux truênx thôngr nhiav têz qơưs, saz jông “hâuk đêx ndu hâur" trâu cxuô cxênhx Pêx xinhv haz cxênhx tov ntêx.
Kror cxiv tsang Tươngx đaix N'Trang Lơng uô muôx tuz yangx zov chênhr, los six sir jul ntơưv Đảng bôx, chinhr cuênx xênhr Đăk Nông trâu hâux lưv por phưv, phat hui chor grê lus đruôl, văn hoar, tinh thânx jông ntơưv tsôngv box cxuô minhx cxưx nênhs tsơưs; zos kror côngv têk, pangz đăngs jul ntơưv pêx xinhv, joang nghiêx hur uô công trinhx muôx grê ciênr truc, mir thuôx…
 |
Yangz đuô 110 shông Phong tsox sơưr tuz trok N’Trang Lơng haz Uô tar Tươngx đaix N’Trang Lơng uô lov jêv ntưl |
 |
Thơưx chox Xênhr wiv, HĐND, UBND, Wiv ban MTTQ xênhr haz thơưx chox xênhr Đăk Nông đhâu cxuô ntu côngv lêr |
 |
Bí thư Xênhr wiv Ngô Thanh Danh khăngv đinhs grê Phong tsox sơưr tuz trok N’Trang Lơng haz công trinhx tươngx đaix |
 |
Chor đôngx chir thơưx chox xênhr txar băng uô tar haz muôz lus sir zôngv công trinhx Tươngx đaix N’Trang Lơng |
 |
Tsangz cxênhx nghês thuôx đax săc tror uô tơưv Phong tsox sơưr tuz trok N’Trang Lơng |
 |
Công trinhx Tươngx đaix N’Trang Lơng zor zux truênx thôngr nhiav têz qơưs cxênhx tov ntêx |
H' Mai