Shông 1975, nhoz Băc Hà tsov cưv iz chuôv jiêur hanhx đrul yangx 200 tưs nênhs môngl tangs nro thangx tsangv trung tâm tok txaik zaiv phongr făngz Kangz têz, thôngr nhât têz qơưs. Txus ntux yaz shông 1980, Hênhx đôix (Ban Chiv hui Cuân sưs) Băc Hà tsov cưv jaiv siz lưr chaix nênhs, tuô fov xair kị sĩ, nênhs tuô fov coz chia môngl uô pễ xinhv thâux lương thưx cêr angr. Uô kangz ntơư, Băc Hà tsi tsov cưv jaiv tưs lơưv. Txus shông 2007, jaiv siz lưr chaix nênhs truênx thôngr Băc Hà li tsinhv chênhz tror tsov cưv đuô, tsov cưv iz shông 1 jas, đap ưngr nhu câux saiz hur luz nênhx văn hoar, tinh thânx ntơưv Pêx xinhv, pangz mangx tuôr tsês haz phat hui truênx thôngr văn hoar thêv thao tiv zix ntơưv cxuô minhx cxưx xênhr Băc Hà; tưz zos qơư ndu hu grul kruô uô si tuôx Băc Hà… Lêr hôix siz lưr chaix nênhs Băc Hà thâuv ntêx nuôr uô ntơưv iz puôs ndil đrăngs lax, chor hâur trôngz haz qơư môngl txus zos plơưr thix trânr. Thâuv lus zuôr txus qơư, chor tiz nênh schaix nênhs đhau chênhr yangx grêl hur angr, ru trăngz fov cêr sâuv xưz pưl haz tsov fax tuô 5 fov mas tsinhz luz câux laz, ndê sâuv nênhs rrâuz kâuv đha tror lus tov qơư chuôz đha. Lênhx tưs cê chênhr cê tuô fov trâuk fax ntâu hlo mas zos tus nênhs cor zênhx. Huênx thoais lus chor tuz chaix nênhs Băc Hà muôx oz kror txơưx chaix nênhs đha tangz cê tuô yênhx puô fov tangz sis por lênhx trâuk fax tưz zos muôx txix ntơư. Nhis nuôr, siz lưr chaix nênhs nhoz Băc Hà tưz tsi yuôr tưr tuô fov, chor chaix nênhs siz lưr tưz muôx yangr thi jiêng…
 |
Tangs nro shênhv yangr siz lưr chaix nênhs Băc Hà |
 |
Chor tuz chaix nênhs sâuv cêr siz lưr |
H’Mai (th)