Tĕng mbơh nau kan bơh Ủy ban bon lan n'gor, nô nau wăng sa, nau way, nau rêh bon lan bơh năp têt, ta nar Têt Nguyên đán tâm di tĕng nau nchră. Lam Ðảng, lam bri dak, lam bu nuyh bon lan Dak Nong wơt sa Têt đăp mpăn, hơm răm.
 |
Kô ruanh Ủy ban Bon lan n'gor Hồ Văn Mười nkah, jêh sa Têt, ăp n'gâng kan, ăp m'bŭch kan, ăp n'qual nhŭp ti lăp kan ro gơi pah kan ân uĕh ăp ntil nau nchră kan |
Nau kan mât mray Têt ân Bu nuyh bon lan, mât đăp mpăn nau rêh bon lan, tâm nĕ gĕh ăp r'năk gĕh n'hâm suan ma bri dak, mât mray nau rêh bu nuyh o-ach dơi ăp n'gâng kan kơl pah kan ngăch, nŭm. Lam n'gor lĕ tât khâl, ân 8.500 ndơ, kơp tâm rlau 3,7 r'me prăk ân ăp m'bŭch kan, bu nuyh gĕh nau kh'lay, r'năk gĕh nau rêh jêr jŏk, bu nuyh gĕh n'hâm suan ma kăch mạng. N'gâng kan bri dak lĕ pă ân rlau 14.000 r'năk bon lan bu nong iê bu nuyh gĕh nau rêh o-ach, bu nuyh dơi bri dak kơl, đah r'noh prăk dŏng rlau 4,3 r'me prăk...
N'gâng kan Y tế lĕ nchŭn n'hâm suan pah kan n'jrăng, n'gang nau ji tưp Covid-19. Tât lơ 6/2/2022, lam n'gor saơ gĕh 8.717 bu nuyh tưp nau ji, tâm nĕ, gĕh 359 bu nuyh tưp mhe.
Groi Bí thư N'gor ủy, Kô ruanh Ủy ban Bon lan n'gor Hồ Văn Mười r'nê nau nsôih bơh ăp n'gâng kan, ăp m'bŭch kan, ăp n'qual tâm nau kan mât mray bu nuyh bon lan wơt sa Têt đăp mpăn, gĕh nau m'ak.
Kô ruanh Ủy ban Bon lan n'gor n'kah, jêh nar rbŭn aơ, ăp n'gâng kan pah kan tay nau kan mâp bu nuyh bon lan, phung kan hành chính pah kan ân di, mô dơi rlu, mô dơi nchong pâl rlưn.
Ăp n'gâng kan, m'bŭch kan, ăp n'qual ngăch pah kan ăp ntil nau kan, nau dơn kan tâm gơi n'hao nau wăng sa, nau way, nau rêh bon lan. Tâm nĕ, nau kan giải ngân vốn đầu tư công dơi ndâk pah kan lor. Ăp ntŭk kan, ăp phung kan mât ăp nau kan, bu tơm nsu ngăch nkra hồ sơ pháp lý gơi đấu thầu ân ngăch. Phung kan Ntĭm bư mir jan ba ngăch ndâk njêng nau nchră kan bư mir jan ba.
 |
P.V