Kông an xă Dak Sôr n'srôih mât uănh đăp mpăn nau rêh bon lan

Phạm Khánh| 03/11/2016 16:49

Tâm ăp năm lĕ lăn, bơh đah n’hao nau kan mbơh, ntĭm nau way pháp luật gơi n’hao uĕh nau mĭn gĭt ân bu nuyh bon lan tâm lam xă, phung kan kông an xă Dak Sôr (Krông Nô) way ndâk ăp tâ hăn tâm bon lan gơi ksiêm, uănh trĕng bon lan gơi mât uănh đăp mpăn nau rêh bon lan.

Ăp nau kan dơi phung kông an xă kan uĕh tâm ban mât uănh, ksiêm, ntênh lah ăp wâl ân manh bêch, ăp wâl pơk internet, ca phê, ngêt sa... pah kan ân di nau way pháp luật nau nau kan tăch drăp; way ksiêm, n’hưch n’hanh ntĭm ăp bu nuyh mhe thơ luh bu krŭng tâm ndrung, ăp bu druh ndăm ră pâl, mô ŭch kan tĕng kan di nau way pháp luật, gơih pah kan; n’hưch bon lan, tâm nĕ bon la kon bu nong iê bu nuyh jao phao rleo... Bơh đah nĕ, kông an xă hôm e ndâk ăp ntil nau kan lam bon lan mât uănh đăp mpăn Bri dak, tâm lơh, k’chŭt n’hanh râl ăp phung kan m’hĭk gĕh âk ngăn bu nuyh bon lan kơt ŭch tĕng nau kan.

Yor nĕ, ăp ntil nau kan bư tih nau way pháp luật lĕ trŭnh, nô nau m’hĭk bư mô đăp mpăn nau rêh tâm lam xă uĕh ngăn, bu nuyh bon lan mô r’vê pah kan n’hanh gŭ rêh đăp mpăn.