Khov sat, thamr hiêmv kror tsuô ntơưv ISV20

H’Mai (gt)| 27/10/2022 13:04

Chor kror tsuô trôngz hluôr hur Công viên đias tsât tangs nro UNESCO Đăk Nông muôx ntâu yangx. Txus nuôr, muôx li 49 kror tsuô tư tâu khov sat haz nghiên cưr uô ntêx, đrul ntêr tangs nro zos yangx 10,1 km. Tsi tangs muôx grê lus khoa hocx, jông gâux haz kruôz kra, nuôr tsênhv zos qơư jông trâu kruô uô si mos hiêmv, saiz njuôl jông gâux hoang sơ haz chor vâns đôngx ciênr tos ntơưv Kai Angr.

Hur khuôn khôv Hôix nghis Kangz ntux lus kror tsuô trôngz hluôr tơưk jas tiv 20 (ISV 20) , nhangx xangv zuôr muôx chor chuôv sox njuôl, thamr hiêmv pơưk kror tsuô C7, C3+C4, C6.1, P20, C8, C9. Trơưs ntơưv, kror tsuô C7 ntêr 1.066,5m zos kror tsuô jung nham tâu Hiêx hôix Kror tsuô trôngz hluôr tơưk Nhật Bản xac lơx civ lux tov ntêx hlo Đông Nam Á lus tangs nro cui mô, ntêr haz jông tiv zix. Kror tsuô C3+C4 nhoz hur thangx tsangv pươk tsangs Dray Sap – Gia Long, tâu yangz thôngz uô cê ntêr muôx 968 m. Kror tsuô C6.1 muôx yênhx cxênhz hiêns vâts ntơưv ntu Poz jêz yaz - Kim khí, tiv zix mas zos chor poz cxang tiz nênhs lus đruôl tsênhv tâu khơưs tsês saiz ntơưv 6.000 - 7.000 shông đhâu. Kror tsuô C9 điênv hinhx trâu iz luz kror tsuô lux muôx kror khênhx, saz muôx li 12m, đangr muôx 15m…

Tsi thôngx li câur truc kror tsuô trôngz poz jêz tâuz txuôz, kror tsuô trôngz hluôr tơưk hur poa jêz với bazan muôx câur truc ndâux kror tsi muôx jul haz tsi truôx, zôngx ziv sâul. Viv li, chor kror tsuô trôngz hluôr tơưk tsi tâu khai thac ju lix, kruô uô si tsi tâu tưx môngl ndil uô si thâuv tsi grang bov hôx an toanx cênhz haz tsi tâu tso chei ntơưv chinhr cuênx trôngx qơư tưz xưs li nganhx tsưc năng.