Joi mĭn nau kan gơi n'hao nau uĕh grăp ca phê

Đức Hùng| 10/11/2022 10:36

Mhe aơ, ta Dak Mil, N'gâng kan ntĭm Bư mir jan ba - Hao nau rêh bon lan ndâk Nau nchră kan tâm r'nglăp tăch r'văt ca phê ta năm 2022-2023. Nau nchră kan gĕh rlau 200 bu nuyh bư mir ăp n'qual Dak Mil, Čů Jŭt, Dak N'Soong, Krông Nô, ăp phung kan khoa học, doanh nghiệp tâm n'gor n'hanh bơh tach n'gor tât rbŭn.

Ta Nau nchră kan, rlau 200 bu nuyh bư mir dơi iăt ăp m'bŭch kan mbơh nô nau tăm ca phê, pĕ play, mât mray, nkra n'hanh nô nau tâm r'nglăp tăch r'văt ca phê tâm lam n'gor. Năm 2021, lam n'gor gĕh 135.752 hec ta ca phê, jêh peh n'sĭt tâm 2,73 tân tâm du hec ta, n'sĭt tâm 332.620 tân. Gĕh 74 ntŭk nkra ca phê đah r'noh sŏk nkra du năm tât 70 tân...

Nau nchră kan gơi n'hao nau uĕh grăp ca phê

Âk bu nuyh bon lan ôp mbơh ăp ntil tơm ca phê gĕh play âk; ih ca phê ta wâl mô dơi gĕh nau mât mray uĕh. Ăp hợp tác xă dăn ăp kông ti tâm r'nglăp gơi gĕh uĕh nau tăch, r'văt ca phê. Bu nuyh bon lan dăn ăp phung kan mbơh ntĭm kông nghệ bư kro, nkra ca phê uĕh, gĕh r'noh âk n'hanh joi ntŭk tăch r'văt...

Đức Hùng

(0) Bình luận

Xếp theo: