Ðiểu Cớ lĕ n'hâm suan mât bri bon lan

Minh Huyền| 03/11/2022 10:08

Khay 1/2022, nô Ðiểu Cớ (deh năm 1993), bu nuyh Bu nong ndrel ma 29 nuyh ta bon Bu Gia, xă Quảng Trực (Tuy Ðức) dơn mât 176 hec ta bri tă bơh Ủy ban Bu nuyh bon lan n'qual Tuy Ðức gơi chăm, mât, chiă. Jêh rĭ, nô ndrel ma ăp bu nuyh ndâk njêng M'bŭch kan mât bri bon lan n'hanh tâm pă jêng 6 tổ, du tổ gĕh 5 nuyh gơi tâm r'gâl hăn ksiêm, mât bri dơi bu jao. Deh n'hanh hao têh ta bon tơm nĕ nô Ðiểu Cớ lah bu nuyh gĭt bri dak n'hanh ăp trong leo hăn tâm bri.

Ðah nau ŭch mât bri, mât neh ntu bri yôk Tây Nguyên, Ðiểu Cớ lĕ nchră đah ăp bu nuyh ta M'bŭch mât bri tât ta ăp r'năk sa bu nuyh bon lan, ăp r'năk bư mir dăch bri gơi mbơh ntĭm, kuăl jă buăn mô dơi phă, pit in neh bri. Ta ăp ntŭk nơih bu pit in mô rĭ n'har bri đah ăp phung kan, bu nuyh bon lan khăn păng brôih gâng bê tông gơi nơih mât bri. Jêh tât du năm mât, chiă bri, bri bon lan ta bon Bu Gia dơi mât uĕh, mô gĕh bu muih phă, pit in; bri tă bu muih phă nĕ dơh mô rĭ bri krŏng, abaơ dôl uĕh tay kơt sa ơm...