Abaơ, jêng du gru, kô ruanh đội k'dŏ mprơ thôn, u gĕh bâr mprơ uĕh, blau vâng tanh, jĭm kho ao nchoh mbăn way ơm bu nuyh Thái. U hôm jêng "nai ntĭm" lĕ nuih n'hâm ntĭm bu nuyh bon lan goh chĭng, mprơ nau mprơ bon lan, vânh tanh ân phung druh ndăm bu nong Thái ta thôn. Tâm âm nhạc bu nuyh Thái, chĭng way gĕh 4 mlâm n'hanh dơi bu goh pâl ndrel ma du mlâm gâr me. Ðội goh chĭng gĕh 2 he bu nuyh, du huê way goh gâr, bu nuyh du huê goh 4 mlâm chĭng tĕng bâr gâr, tĕng nau k'dŏ mprơ. Ta ăp nau kan, u dơi blau lĕ r'ngôch n'hanh blau ngăn pâl. Lah xă way ndâk tâ rbŭn, u lĕ nuih n'hâm tĕng pah kan k'dŏ mprơ n'hanh goh chĭng, goh gâr.
 |
U Duyệt ndrel ma băl pâl goh chĭng, goh gâr ta Wâl chơ phiên sắc màu xă Čư K'nia (Čư Jŭt) |
 |
Gru Hà Thị Duyên (bơh chiau ti) ntĭm băl păng goh chĭng lor ma goh ngăn ngăn |
Minh Huyền