Druh ndăm Dak Nong lĕ nuih n'hâm sâm kơl bon lan

Y Sơn| 12/10/2022 20:57

N'gor Dak Nong abaơ gĕh 157.728 bu druh ndăm, rlau 93.220 hội viên N'gâng kan Ăp druh ndăm dôl rbŭn ta 1.850 chi hội, câu lạc bộ, tổ, đội, phung kan. N'hao nuih n'hâm pah kan sâm kơl bơh phung druh ndăm "Ntŭk joi ntŭk nĕ gĕh bu druh ndăm, ntŭk jêr ntŭk nĕ gĕh phung druh ndăm", tâm ăp năm lĕ lăn, bu druh ndăm tâm lam n'gor lĕ ndâk âk nau kan sâm kơl bri bon, bon lan, gĕh âk phung đoàn viên, druh ndăm ta ăp m'bŭch kan đoàn pah kan ndrel.

Tâm 6 khay bôk năm 2022, âk ndơ kan, nau kan uĕh, di dơi ndâk kan gĕh: nkra 2 ntŭk pâl ân kon se, nkra 3 wâl tâm rŏng kon bu nuyh, dăch tât 7.000 ndơ, 38.500 siăm put mbung y tế, 2.000 săm bŭt nchih, 600 kho ao n'king mât săk, 2 tân phe, 67 rdeh wah jâng... đah r'noh prăk kơp lah 2,67 r'me prăk. Bơh đah nĕ, âk hội viên, bu druh ndăm hôm ân nđâp 1.000 đơn vị dak m'ham kloh.

Ăp ntil ndơ kan, nau kan bơh phung druh ndăm mpơl nau kơl, lĕ nuih n'hâm tâm nau kan ma bon lan. Yor nĕ, sâm kơl lâm nau ji ngot ji hir, trŭnh nau rêh o-ach, ndâk njêng bri bon mhe tâm lam n'gor.

Nau ndâk kan bu ndruh ndăm sâm kơl n'hâm suan năm 2022, bu druh ndăm tâm lam n'gor lĕ pah kan ndrel ma sinh viên tình nguyện nkra ngih wâl, ndâk nau kan đah r'noh prăk kơp gĕh 3,5 r'me prăk