Di sản văn hóa phi vật thể Bri dak: Nau kan Nkra bạc bơh bu nuyh Mông ta Sa Pa, Lào Cai

H’Mai (th)| 20/10/2022 07:49

Bu nuyh Mông dŏng bạc dah rgŭn mât n'hâm suan săk jăn, mât nau uĕh lăng tâm nau rêh. Bạc dơi bu dŏng bư brah lah yang ta nau rêh ôi mhau. Nau kan nkra bạc jêng du ntil nau kan bơh kăl e dơi bu nkra đah ti.

Nau kan nkra bạc mpơl saơ nau hao kĩ thuật n'hanh nghệ thuận nkra ndơ kh'lay bơh bu nuyh Mông ta Sa Pa

Nau kan nkra bạc dơi gĕh nau blau, nkra nê nê, gĕh nau nsrôih n'hanh dơi bu nkra uĕh. Ndơ dŏng nkra bạc bơh bu nuyh Mông gĕh: ndơ n'khôm, ntŭk prung, glah gâm bạc, ndơ nkra bạc, nkra bạc ta đe, knôp tôp, pĕn nkăp, ndơ trah lôk...

Gru Mông pah kan ăp ntil nau gơi nkra jêng du mlâm bạc gĕh nau uĕh êng, dơi âk bu nuyh bon lan joi r'văt

Nau kan nkra bạc dơi bu nkra jŏ, gĕh âk nau jêr: nsâp ŭnh, prung bạc ân duh, nkhŭt ta khuôn, nkra bạc ta đe, trah nkra rup, nkra tay, bư bler ndơ jêh nkra.

Ăp ntil ndơ dơi nkra tă bơh bạc gĕh rnhoong, kônhg, thek, rnăl, ndơ nkĕp sŏk...

Kăl e, ndơ dơi bu nkra bạc lah đồng bạc Ðông Dương (kao mi nga xòe), dơi bu têm nkrem ntơm bơh u che tât ta kon sau. Abaơ, ăp ntil bạc aơ iê dơm hôm n'hanh gĕh r'noh tăch kh'lay. Lah gĕh nô nau ŭch dŏng bạc, lah r'năk mô gĕh bạc têm khăn păng way r'văt n'hanh r'gâl đah ndrôk rpu ma ăp r'năk bă bă tâm bon lan...

H’Mai (th)

(0) Bình luận

Xếp theo: