Kơp tât 12 mông dâng nar lơ 10/8, lam n'qual gĕh 31 bu nuyh tưp Covid-19. Gơi mât nâp phêt nau kan n'jrăng, n'gang nau ji tưp Covid-19, mât uĕh n'hâm suan săk jăn Bu nuyh bon lan, N'gâng kan Ntĭm gai n'jrăng, n'gang nau ji tưp ta bu nuyh n'qual Čů Jŭt đă ăp n'gâng kan, phung kan, ntŭk kan, n'hanh Bu nuyh bon lan rêh tâm lam n'qual tĕng pah kan ân di ăp ntil nau ntĭm gai bơh Trung ương, bơh n'gor ta nau kan n'jrăng, n'gang nau ji tưp Covid-19... Bơh đah nĕ, n'qual hôm pơk ăp mpeh cách ly gơi cách ly ăp bu nuyh tă bơh ăp n'gor Bình Dương, Bon têh Hồ Chí Minh, Ðồng Nai... sĭt, tât tâm n'qual; ngăch uănh sĭt nau dăng n'hâm suan săk jăn bu nuyh bon lan. N'qual đă ăp xă, bon jê n'hao nau kan mbơh ntĭm, pah kan ndrel ma ăp phung kan mât n'gang nau ji ta ăp ntŭk n'king, trong ntơm bơh n'gor Dak Lak lăp tâm n'qual; ngăch pah kan tĕng joi bu nuyh gĕh nau ji, ngăch gĭt ăp bu nuyh tă tâm mâp ma bu nuyh gĕh nau ji; krih dak si wâl gŭ n'hanh ăp ntŭk bu nuyh ji tă hăn gơi mât đăp mpăn nau rêh...
 |
N'qual Čů Jŭt pơk 14 mpeh cách ly gơi cách ly ăp bu nuyh tă bơh ăp n'gor Bình Dương, Bon têh Hồ Chí Minh, Ðồng Nai... sĭt, tât tâm n'qual |
 |
Bu nuyh bon lan mbơh hưn nau kan y tế ta ntŭk n'kĭng n'jrăng, n'gang nau ji tưp Covid-19 tâm lam nqual |
 |
Wâl chơ têh n'qual dơi bu dơm rup mbơh ntĭm nau n'jrăng, dak si tho ti gơi bu nuyh bon lan hao nau gĭt n'jrăng n'gang nau ji tưp Covid-19 |
 |
Trung tâm y tế n'qual sŏk mẫu test ngăch kháng nguyên SARS-CoV2 ân bu nuyh bon lan |
 |
Bu nuyh bon lan xă n'har bri Dak Wil rŏ uănh săm bŭt bu pă mbơh tĕng 2 ntil nau nchih Yuăn - Mông gơi bu nuyh bon lan gĭt n'jrăng n'gang nau ji tưp |
Y Sơn