Phung Công an lĕ joi, gĕh nhŭp 9/9 tâ phung gĕh nau tih hình sự 100%; joi, nhŭp, khởi tố du tâ, 2 he bu nuyh pah kan "tín dụng đen" ân manh prăk sŏk âk prăk kon 1.440% du năm, gĕh sa rlau 7 r'me prăk; Nhŭp phung nkra, tăch r'văt phân mbruh tâm lam n'gor Tây Nguyên, nhŭp 3 nuyh, gĕh sŏk rlau 150,5 tân phân mbruh.
Tâm nĕ, ta khay World Cup 2022, phung công an gĭt saơ, tâm lơh, nhŭp 6 tâ bu cá độ chưng play đung, nhŭp 66 nuyh, nhŭp sŏk âk ndu ndơ. Tâm nĕ ta lơ 2/12/2022, ăp phung kan nghiệp vụ lĕ nhŭp 17 nuyh, sŏk 4 măy tính, âk tài khoản ngân hàng, điện thoại, măy tính ndjôt ta săk, rdeh ô tô... Aơ jêng phung kan ndâk nau kan đánh bạc cá độ chưng play đung ta mạng internet dơi bu gĕh nhŭp âk ngăn ngên ntơm bơh kăl e tât abaơ tâm lam n'gor Dak Nong, đah r'noh prăk giao dịch dăch tât 600 r'me prăk...
Lah uĕh nau dơi gĕh pah kan aơ, lĕ gĕh 20 phung kan tâm Công an n'gor Dak Nong dơi Kô ruanh Bộ Công an, N'gor ủy, Ủy ban bon lan n'gor lah uĕh, r'nê.
 |
Phung Công an nhŭp bu nuyh bu truy nã dăch tât 10 năm krap |
 |
Du tâ gĕh nhŭp bu rdeng tăch pháo r'noh âk ngăn ngên tâm n'gor, gĕh sŏk 429 kí |
Bảo Ngọc-Hồng Long