Chor “câus tis nôngl ntâus ntêx” nhoz thangx tsangv đriv (cix xâuk kangz): Pangz mangx tuôr đriv truôx, phuôv tsangr

Chor shông đhâu, uô trơưs Nghis cuêt 05 ntơưv Xênhr wiv lus phuôv tsangr cinh têr-tsôngv langx, bov đamv cuôr phongx an ninh thangx tsangv đriv, chor đảng viên nhoz ntơưv nuôr tsi tangs phat hui vai tsox ntâus ntêx hur cxuô făngz mas tsênhv trâu saz kruôz ntuôl chuv trương, cêr chei ntơưv Đảng, chinhr sach, phap luôx ntơưv ntơưv têz qơưs txus trâu Pêx xinhv. Chor nênhs ntơư tsênhv uô nênhx jông, trâu saz môngl côngv cxuô hoax đôngx viv côngx đôngx, zos nênhs tiv zix lus phuôv tsangr cinh têr mas tâu pêx xinhv njênhk, saiz hluz.

Tiv zix, chor đảng viên tưz muôx ntâu pangz mangx, tsưr ziv uô jông, chor đăngs nuv uô jông chia kra trâu cxênhx wiv Đảng, chinhr cuênx cơ sơv; zaiv cêr ntâu trôngx plâuz cil txus siz txênhz đêx angr, kôngz lông viv cxiv tsang chor công trinhx, jưs anr sâuv thangx tsangv… Đrul zov chênhr đâux tư ntơưv Đảng, Têz qơưs, chinhr cuênx cxuô cxênhx, txus nuôr muôx 5/7 xar đriv tưz huv jêx jos yaz. Luz nênhx vâts tsât, tinh thânx ntơưv Pêx xinhv ntơưv nuôr ziv nuz ziv tâu jông. Tinhx hinhx an ninh tsinhz chei, tsơx tưx an toanx tsôngv langx tuôr truôx đrênhk. Chor ntơư muôx pangz mangx ntâu ntơưv chor “câux til ntâus ntêx” nhoz thangx tsangv đriv.

Đảng viên thangx tsangv đriv xar Quảng Trực (Tuy Đưc) phuôv tsangr mô hinhx chok siz shơư cax phê-ca cao muôx kangz hâu cinh têr saz

Đảng viên tsôngv box minhx cxưx M’nông xar đriv Thuận An (Đăk Mil) trâu saz môngl côngv cxuô hoax đôngx thiêns nguêns, pangz pêx xinhv uô nênhx txov nhev

Đảng viên Điểu Toi, Phor Bí thư Chi bôx jos Bu Prâng 1, xar Quảng Trực siz thangv trâu canr bôx Đônx Biên phongx Đăk Dang lus phuôv tsangr cinh têr, bov đamv an ninh tsơx tưs sâuv thangx tsangv

Chor đảng viên cênhz đrul Đônx Biên phongx Tuy Đưc luôx đo cêr đriv, por vêv ndix đriv

Chor xar thangx tsangv đriv ziv nuz ziv truôx, phuôv tsangr

Y Sơn