Bu ur bí thư chi bộ thôn "blau nau kan tâm bri dak, blau nau kan ta r'năk sa"

Phan Tân| 04/08/2022 15:09

Năm 2001, r'năk u Nguyễn Thị Huế ntơm bơh n'gor Nam Ðịnh tât ta thôn Tân Ðịnh, xă Dak Gân (Dak Mil) ndâk njêng nau kan, đah 5 hec ta neh mô saơ uĕh, neh chreh. Ntơm sa ơm, ndăn dŏng neh aơ, r'năk u tăm ăp ntil tơm gleh nar ta neh tăm tiêu, ca phê gơi "sŏk gleh rong jong".

Neh tăm ăp ntil tơm play n'sĭt âk prăk tâm nau wăng sa tâm r'năk du năm

Jêh pa kan, saơ ntŭk neh Dak Gân tâm di đah tơm play, tâm nĕ di ngăn ngăn lah tơm soai nĕ r'năk u r'gâl tăm soài, tơm đôr Thái, play kroch ntô đung, play dak toh, sầu riêng. Nau kan tăm ndrel ăp ntil tơm dơi têm nkrem neh, gĕh n'sĭt nao nao prăk tâm nau kan. Bơh đah nĕ, r'năk u Huế hôm nkra ndrung rong sur bri, rong be gơi sŏk ĕk mpô mpa aơ sui ân ăp tơm tăm.

R'năk u Huế lor leo tâm nau kan, kơl prăk gơi nkra trong hăn

Năm 2006, u Nguyễn Thị Huế dơi bu r'nglăp lăp Ðảng n'hanh năm 2009 dơi bu săch bư Bí thư Chi bộ thôn Tân Ðịnh. Rlau 12 năm bư bí thư chi bộ, u Huế n'kôch, gơi bu nuyh bon lan iăt tĕng n'hanh kơt pah kan he jêng bu nuyh leo pah kan lor tâm ăp ntil nau kan, mbung ngơi, ti pah kan, dơh dăch, iăt, tĕng nau nchră bu nuyh bon lan. U Nguyễn Thị Huế dơi N'qual ủy Dak Mil săch jêng du ntil nau kan tâm 3 ntil nau kan dăn nti kơt n'hanh pah kan tĕng nau mĭn, nuih n'hâm, nau rêh Hồ Chí Minh năm 2020 - 2025 gơi pơk huy nau kan tâm lam n'qual.

Phan Tân

(0) Bình luận

Xếp theo: