Yor gĕh nau uĕh bơh mih nar, neh ntu, bu nuyh bư mir tĕng nau bu ntĭm kĩ thuật lăp tâm nau kan nĕ tơm ca phê jêh tăm ngăch jêng, iê gĕh tu ndrŭng sa, play âk, play têh tâm ban. Tâm du hec ta dơi tăm 18 - 20 r'băn tơm, ntơm bơh tăm tât ta nar dơi pĕ play tâm 60 nar, jêh pĕ tơm kao mhe, gĕh tay play, du hec ta gĕh pĕ tâm 70 tấn. Năm aơ, đah r'noh tăch ntơm 18 r'băn du kí (r'noh tăch hao rlau 2 tâ đah năm 2021), jêh tâm prăk dŏng pah kan lor, bu nuyh tăm gĕh n'sĭt tâm 400 r'keh prăk du hec ta.
Ta mông bơh kơi aơ n'qual Tuy Ðức r'gâl tay ăp ntŭk neh mô hôm saơ jêng gơi tăm ăp ntil tơm dŏng bư trau, sâm kơl bu nuyh bon lan n'hao nau kan tăm tơm bư trau gơi tăch ân bu r'văt, nâp phêt tâm nau kan, kh'lay r'oh tăch.
 |
Play blân srat dôl ndâk njêng nau kan tâm r'nglăp, tăm tĕng nau joi ŭch r'văt bơh bu nuyh bon lan |
 |
Bu nuyh bon lan m'ak yor blân srat âk play, tăch kh'lay r'noh prăk |
 |
Bu nuyh bư mir Tuy Ðức gĕh n'sĭt âk prăk yor blân srat năm aơ gĕh âk play |
Mai Anh