Ta bơh ăp ndơ kan, nau kan, prăk ân manh, prăk sâm kơl bu nuyh bon lan n'qual..., ăp hội viên lĕ ndâk njêng, hao nau kan mât rong be, sur, iăr, nkra wâl rong sĭm klêng n'hanh nau kan tăm tơm dổi sŏk grăp, tăm tơm đào sŏk mi nga, tăm blân jong...; nsu mât chăm ca phê, tiêu, ba lŏ, mbo, tuh vanh n'sĭt âk prăk tâm nau wăng sa. Năm 2022, gĕh n'sĭt prăk tâm nau pah kan ăp hội viên bu nuyh bư mir xă Nam Xuân gĕh 45 r'keh prăk du huê bu nuyh.
 |
Bu nuyh bon lan, hội viên bu nuyh bư mir sâm kơl n'hâm suan, ân nđâp neh gơi nkra tay, nkra mhe âk kilômet trong hăn tâm bon lan |
 |
R'noh neh tăm ca phê bơh hội viên bu nuyh bư mir xă gĕh 2.018 hec ta, jêh pĕ kĭn gĕh tâm 3 tân du hec ta |
 |
N'gâng kan bri dak xă n'hanh hội viên bu nuyh bư mir hăn khâl, uănh nau kan tăm tơm đào sŏk dŏng kao ta xă Nam Xuân |
 |
Nau kan tăm tơm dổi sŏk grăp bơh hội viên Nguyễn Trung Nam ngăch hao jêng |
 |
Hội viên hôm tăm tuh vanh gơi n'sĭt tay prăk tâm nau pah kan |
 |
Ăp hội viên tâm râp ti, tâm kơl pah kan bư mir jan ba |
Minh Huyền