 |
Kao krih |
+ Reh tơm ja rse 60 gam (kro 30 gam) chê tâm glah, nkhŭt dak gâm ân khuh 15 m’nĭt jêh rĭ chê tay 3 – 6 gam n’ha chè, gân ân khuh. Mô rĭ koh reh tơm ja trăm tâm dak chè duh tâm 15 m’nĭt. Du tâ bư dŏng ngêt du nar.
+ Kao krih 6 gam, chè 3 gam. Sŏk săk mô rĭ kao krih lĕ blang ta khay 7 ih ân kro. Sŏk kao krih n’hanh chè juh ân hăch, chê ta dŭng trăm tâm dak duh tâm 5 m’nĭt, ngêt. Du tâ bư dŏng ngêt du nar.
+ Play lê nse du mlâm lơi grăp, n’kur tơm krih rse 500 gam (lơi kô), n’ha tơm krih nse mô rĭ kro du mlâm (lơi n’kong), mưt hồng du mlâm (lơi tôr), reh tơm ja nse 30 gam, táo tàu 10 mlâm (lơi grăp). Ăp ntil ndơ aơ tho ân kloh, chê tâm gah nkhŭt dak gâm ân khuh. Du tâ bư dŏng ngêt du nar.
+ N’kur tơm krih 5 mlâm n’hanh 30 gam reh tơm ja tho ân kloh jêh rĭ chê tâm glah, n’khŭt dak gâm ân khuh tâm 20 m’nĭt, sŏk dak chê sĭk ngêt. Du tâ bư dŏng ngêt du nar.
H’Mai (t.h)