Tơm nêu lah wâl gŭ brah yang. Ăp brah yang sĭt gŭ n’hanh rbŭn uănh bon lan ta ntŭk uĕh ngăn ngên gơi uănh trĕng nuih nhâm ŭch bon lan ma păng n’hanh kơl bon lan. Lah tât mông bư brah, bu ur ănh sah dăp bêng ndu ndơ bư brah dơm tâm dâng tơm nêu gơi bư brah. Jêh rĭ răch brah, bu nơm tơm wâl sŏk m’ham sur, m’ham iăr mbrih bơh pĭt tơm nêu. Jêh răch brah, bu nuyh tâm bon tur chĭng goh goong gơi n’hưch nuih nhâm bu ndăm dằn ndâk tơm nêu. Jêh ndâk tơm nêu, bu nơm tơm wâl jă bon lan, ăp bu ur kan ndrel ngêt ndrănh yăng, sa mbêt prung… Ăp bu nuyh bon lan tâm mprơ ôp khâl nau uĕh lăng săk jăn.
 |
Tơm nêu bu nuyh Bu Nong dơi ndâk lor ma bư brah kah gĭt brah yang |
 |
Ur sai bu nơm tơm wâl lah bu nuyh bư brah lah yang gơi ndâk tơm nêu |
 |
Sai păng răch brah kuăl brah yang dăn ndâk tơm nêu, jêh rĭ sŏk m’ham sur, m’ham iăr, mbrih bơh pĭt ntŭk ndâk tơm nêu |
 |
Chĭng dơi bu tur gơi n’hưch bu nuyh bon lan tâm kơl nhâm ndâk tơm nêu ma bu nơm tơm wâl |
 |
Ăp ntil ndu ndơ dŏng bư brah lah yang gĕh: play nuih rklơm sur, poăch ndông, ndrănh yăng, mbêt prung, du mlâm iăr n’hanh du mlâm sur ndông jê… |
 |
Jêh ndâk tơm nêu, ăp bu nuyh tâm bon sa piăng, ngêt ndrănh, tâm mprơ ndrel |
H' Mai