 |
Âk r'năk bu nuyh bon lan ta thôn Hấu Chua, xă Sín Chải, n'qual Tủa Chùa mât mray bri tơm chè jŏ năm |
Ka lơ yôk prêh rlau 1.400 met đah ma dak rlai, xă Sín Chải, n'qual Tủa Chùa jêng ntŭk cao nguyên gĕh bri n'dik trôk lam du năm. Yor nau uĕh dơi gĕh nĕ, ndrel ma nah uĕh neh ntu lĕ bư tơm chè Shan tuyết ngăch hao jêng n'hanh dơi bu nuyh bon lan ta Chín Chải tăm âk. Xă abaơ gĕh 4.000 tơm chè Shan tuyết jŏ năm n'hanh jêng xă gĕh tơm chè jŏ năm âk ngăn ngên tâm n'qual. Bôk năm 2022, N'gâng kan Mât Neh ntu bri dak n'hanh Ntŭk rêh Việt Nam kơp Ntŭk 100 tơm chè Shan tuyết ta thôn Hấu Chua n'hanh thôn Sín Chải jêng Tơm Di sản Việt Nam, bư gĕh nau n'hưch hao nau wăng sa ma xă. Ntơm kăl e tât abaơ, bu nuyh bon lan Sín Chải uănh tơm chè aơ tâm ban drăp ndơ kh'lay, ntơm bơh u che tât bơh oh mon, tĕng nau mbơh ntĭm jrŏng rnoi gơi mât mray tơm chè hao jêng.
Mẫn Doanh (th)