Ðảng bôx Ðăk Nông sir jul cxangz ndê vai tsox chox kra tangs nro cxuô făngz

Mẫn Doanh| 15/12/2022 09:55

Muôx tơưv, cxiv tsang haz phuôv tsangr ntơưv Đảng bôx xênhr Quảng Đưc - thâuv hli 12/1960 (nhis nuôr zos xênhr Đăk Nông) tưz khăngv đinhs vai tsox chox kra, cuêt tinhv cxuô kror thăngr lơis ntơưv xênhr hur sưs nghiêx cxiv tsang haz por vêv Têz qơưs. Đảng bôx xênhr tsênhr thêv hiêns vai tsox ntâus ntêx, uô cênhz Pêx xinhv, phat hui đăngs jul tangs nro ntơưv pơưk côngv saz tang spêx xinhv hur cxiv tsang haz por vêv Têz qơưs. Hur chox kra tangs nro cxuô făngz ntơưv Đảng bôx xênhr, cinh têr, văn hoar, tsôngv langx ziv nuz ziv phuôv tsangr; an ninh cuôr phongx tuôr truôx đrênhk; luz nênhx ntơưv Pêx xinhv ziv nuz ziv truôx haz tâu jông.

Txix shông 1960 txus nuôr, Đảng bôx xênhr Đăk Nông hlang đhâu 12 jas đaix hôix (tangs nro iz cxa jas đaix hôix thuôx Đảng bôx xênhr Đăk Lăk). Txus hli 11/2022, tangs nro xênhr muôx 27.541 đảng viên, 438 tsov cưv cơ sơv đảng; hur ntơư muôx 167 đảng bôx cơ sơv haz 271 chi bôx cơ sơv, 1.716 chi bôx trưx thuôx đảng bôx cơ sơv. Đảng bôx tsênhr tuôr truôx đrênhk vai tsox chox kra uô trơưs chor hâux lưv cach mangx. Chor đảng viên tsênhr tuôr truôx đrênhk lơx trươngx saz xangr, yangz shuv saz jông cach mangx, tsênhz zos chor nênhs jông hur chox kra uô cxuô hâux lưv tsinhz chai nhoz trôngx qơư.